影片
更多
2017-08-29
47 瀏覽
踩完單車，回到河畔花園搵嘢食，聽聞西餐M3幾好，就去試試。因為實在太熱又做完運動，我地唔想食太多嘢，所以無叫到二人餐，就散叫咗Parma Ham薄餅同埋長腳蟹意大利飯。食物: 侍應姐姐好快比咗個餐飽我地，係無跟牛油的，學足人地歐洲咁要落橄欖油同黑醋。我呢個肥妹最鐘意就係貪得意有得試下唔同嘅嘢，我覺得咁食最好味，麵包微溫，橄欖油令個包軟滑啲，醋醒醒胃，幾滋味。不過我老公就話想食返Hong Kong Style搽牛油就得。Parma Ham 薄餅嘅餅底做得好薄好脆，同pizza乜嗰D薄批完全唔同，佢真係薄好多，香脆好多。Parma Ham本身都幾咸，所以配合返蜜桃肉就非常好，個制成品好似用薯片墊住 Parma Ham 嚟食咁，值得一試。長腳蟹意大利飯，但飯底真係做得幾有意大利嘅風格，飯粒外圍吸晒D湯汁而變淋，但係飯粒嘅中心就要用小小力咬落去。我唔識分點先係煮熟，不過之前去意大利食過幾餐，人地嘅意大利飯都係咁，即管當佢係意大利飯嘅特色~ 醬汁惹味，平時意大利飯都好膩，但呢個可能加咗沙律菜響面，又唔覺好膩... 長腳蟹肉係鮮甜完整的，但得兩條長腳蟹肉，有點唔夠喉呢...最後我地叫咗一杯"Tra
因為實在太熱又做完運動，我地唔想食太多嘢，所以無叫到二人餐，就散叫咗Parma Ham薄餅同埋長腳蟹意大利飯。
食物:
侍應姐姐好快比咗個餐飽我地，係無跟牛油的，學足人地歐洲咁要落橄欖油同黑醋。我呢個肥妹最鐘意就係貪得意有得試下唔同嘅嘢，我覺得咁食最好味，麵包微溫，橄欖油令個包軟滑啲，醋醒醒胃，幾滋味。不過我老公就話想食返Hong Kong Style搽牛油就得。
Parma Ham 薄餅嘅餅底做得好薄好脆，同pizza乜嗰D薄批完全唔同，佢真係薄好多，香脆好多。Parma Ham本身都幾咸，所以配合返蜜桃肉就非常好，個制成品好似用薯片墊住 Parma Ham 嚟食咁，值得一試。
長腳蟹意大利飯，但飯底真係做得幾有意大利嘅風格，飯粒外圍吸晒D湯汁而變淋，但係飯粒嘅中心就要用小小力咬落去。我唔識分點先係煮熟，不過之前去意大利食過幾餐，人地嘅意大利飯都係咁，即管當佢係意大利飯嘅特色~ 醬汁惹味，平時意大利飯都好膩，但呢個可能加咗沙律菜響面，又唔覺好膩... 長腳蟹肉係鮮甜完整的，但得兩條長腳蟹肉，有點唔夠喉呢...
最後我地叫咗一杯"Traffic light", 有幾種生果mix既沙冰，好重香蕉味，夾咗奇異果既酸，幾開胃，冰打得幾細滑。
環境:
地方不算很大，但佈置很寛敞，有不少合併的長枱，大班人黎都可以一齊坐。晚餐時間，都有不少顧客入坐，情侶、家庭、朋友組合都有，相信是區內熱門食店。
服務:
見旁邊有BB櫈提供。上菜速度正常，侍應也不時添水。
張貼
