影片
更多
2018-03-25
141 瀏覽
近半年公司黎左位西班牙同事，傾談下佢話香港無地道西班牙菜食，好掛住家鄉菜! 比佢講講下，又真係發覺香港好少西班牙菜，反而意大利野就一街都係! 好不容易比我上網搵到間西班牙私房菜 – Sabor，一於試下先!話明私房菜，當然提早book啦，但原來都幾full架! 打去book果陣，Sabor問我地想食d乜，可以幫我地預備，但可惜對西班牙菜零概念，根本唔識點。店員好貼心話其實有set dinner，所以我地交比Sabor拍板，好期待啊!上到去見到Sabor其實唔大，得幾張台，而且餐廳一眼可以望到open kitchen，見到廚師煮野食，真係好似去左西班牙家庭咁! 不過呢度氣氛好好，暗暗既環境，配上candle light，旁邊有Flamingos油畫，背景有輕快既音樂，幾好feel! 開餐前店長過來介紹今晚既mix set dinner，有Toast、3款Tapas(小食)、湯、main course & 甜品!Tomato Garlic Toast餐前小食係番茄蒜頭西班牙包，店長話蒜頭係西班牙既靈魂，濃郁既蒜頭配上番茄混合既醬，真係好又香又清新，配上多士一齊食，真係好開胃!!Tapas
話明私房菜，當然提早book啦，但原來都幾full架! 打去book果陣，Sabor問我地想食d乜，可以幫我地預備，但可惜對西班牙菜零概念，根本唔識點。店員好貼心話其實有set dinner，所以我地交比Sabor拍板，好期待啊!
上到去見到Sabor其實唔大，得幾張台，而且餐廳一眼可以望到open kitchen，見到廚師煮野食，真係好似去左西班牙家庭咁! 不過呢度氣氛好好，暗暗既環境，配上candle light，旁邊有Flamingos油畫，背景有輕快既音樂，幾好feel!
開餐前店長過來介紹今晚既mix set dinner，有Toast、3款Tapas(小食)、湯、main course & 甜品!
Tomato Garlic Toast
Tomato Garlic Toast
8 瀏覽
0 讚好
0 留言
Tapas x 3 sets
其實店長同我地講Tapas，講真完全唔知咩來!
不過佢好耐心同我地介紹，原來Tapas係西班牙菜既”小食”，不過同港式小食唔同，西班牙人當Tapas係正餐，事關佢地夜晚好少食main course，都係叫幾道Tapas，同朋友仔飲兩杯，傾下計就一晚，所以tapas其實先係總點! (哦- 長知識了)
Tapas I - Clams in Green Sauce
Tapas - Clams in Green Sauce
11 瀏覽
0 讚好
0 留言
其實即係煮蜆，不過唔係食開既日式清酒煮蜆或法式既白酒煮，西班牙菜講求原汁原味，用魚湯來煮蜆! 廚師話用魚湯煮可以帶出蜆既鮮味，但一定要襯熱食，唔係湯一凍就會腥! D蜆粒粒都好飽滿，又白又滑咁，食落好鮮味，而個湯雖然好重魚味，但唔太鹹，無蓋過蜆既鮮味，正!
Tapas II -Grilled cuttlefish with Green Allioli Espuma
Tapas - Grilled cuttlefish with Green Allioli Espuma
10 瀏覽
0 讚好
0 留言
好特別! 碟上見到中間有綠色既cream，唔通係wasabi cream？哈~錯晒!
店長話呢d係用番茜+蒜頭整成既泡沫，用來點墨魚粒食架! 番茜係乜東東？店員話當西班牙芫茜啦! 個泡沫望落去似好漏咁，但食落一d都唔會，仲好香好清新添! 墨魚粒好彈牙，但口感唔會硬，配埋個泡沫一齊食，真係好清爽!!
Tapas III - Garlic Shrimp in Olive Oil
Tapas - Garlic Shrimp in Olive Oil
12 瀏覽
0 讚好
0 留言
橄欖油炒蒜片蝦，果然每道菜都有蒜頭，正! 我呢個蒜魔就最鐘意不過! 炒過既蝦好香蒜頭味，又好有橄欖香，蝦好彈牙爽口! 睇落好似好簡單咁，但越簡單越難整得好食，呢個tapas好味!
Soup - Wild Mushroom Soup
Soup - Wild Mushroom Soup
4 瀏覽
0 讚好
0 留言
店長幫我選左個Wild Mushroom Soup，未上台我已經聞到好香黑松露味，原來黑松露湯上面，仲有層蛋白抱抹，要搞埋一齊飲架! 哈~~我聽完搞下搞下，以為自己飲緊Cappuccino，不過飲落個湯好香黑松露味之餘，個蛋白抱抹令到成個湯既口感好軟好滑! Very rich!!!
飲過湯後，店員送上一款間場小食，等我地清清個口!
Mix Fruit Sherbet – 雜果雪葩
21 瀏覽
0 讚好
0 留言
Mix Fruit Sherbet – 雜果雪葩，中間有粒黑醋魚子，凍凍地又酸酸地咁，又幾fresh喎!
Main course - Seafood Paella
Main course - Seafood Paella
20 瀏覽
0 讚好
0 留言
食西班牙菜又點可以無西班牙海鮮飯呢？不過個飯望落去黑黑地咁，似炒飯多D! 哈~原來我又錯啦，廚師話咁深色係因為個飯用魚湯+蝦湯一齊煮成，所以先會咁深色，而且配埋墨魚粒同蝦粒一齊煮 (唔怪得咁香啦)! 除此之外，仲有幾只西班牙紅蝦同幾只蜆，果然好足料，好多海鮮啊下! 不過我個人幾鐘意西班牙菜，雖則味濃，但唔似意大利菜咁落好多芝士，所以就算食飽都無好膩既感覺，幾好!
Dessert - Crema Catalana
Dessert - Crema Catalana
8 瀏覽
0 讚好
0 留言
“西”(班牙)式甜品真係未試過，終於可以試下啦! 不過一睇原來係Crème brûlée(焦糖燉蛋)，無乜特別je! 但原來店長話呢個Crema Catalana，係Catalonia (加泰隆尼亞式)既焦糖燉蛋，香脆焦糖既下面有流質既燉蛋，比法式柔滑，無咁”漿”，而且落左玉桂同檸檬葉，更加清新! 無平時食開既咁heavy，果然好唔同啊!
今餐西班牙菜，真係可以話全部野都第一次食，係個好新鮮既體驗! 呢度除左氣氛幾好之外，食物都好好味! 我鐘意西班牙菜既清新同蒜頭! 下次可以介紹我位西班牙同事黎食正宗家鄉菜啦!
張貼
