葵 (已結業)

最近行尖沙咀見到好多新開既餐廳，經過isquare附近見到間小店幾吸引，原來係拉麵店—［葵］🍜🍜黃色門面設計別緻，遠睇仲以為係一間書店添，顏色鮮豔成功吸引左我👀店內規模不大，只有兩三張長枱，但設計別緻整齊，仲睇到個廚房添，有點像日本拉麵小店的感覺，近距離睇師傅煮拉麵。店子雖小，但設備都幾齊全，提供多款調味品。可能係剛剛開店，拉麵款式不多，主要以雞白湯做湯底，仲有期間限定既黑蒜油拉麵。柚子雞白湯拉麵 $82肉眼睇都見到湯汁好清，一點都不油膩，試試小店主打的雞白湯，味道清香，用上大量雞肉雞骨熬製而成既湯，濃香不膩，是我喜歡的味道 再加上柚子的清新，有別於平時的味精湯底麵條幼身，軟硬適中帶有口感，只是略欠彈牙。有三大塊厚切叉燒，沒有太多脂肪食完麵飲埋湯都不覺口渴，證明真的冇加味精餃子 $28以雞軟骨代替豬肉做餡料，口感更佳靜岡抹茶可樂 $23第一次飲抹茶味既可樂，容易入口，沒有苦澀味，幾特別！