影片
更多
2019-01-30
555 瀏覽
平日食飯多數係多肉少菜好唔健康, 所以放假時都會想食下唔同嘅素食餐廳, 迫自己唔好食咁多肉之餘, 仲可以試到唔同嘅素食食材, 好食又健康!今次去左呢間位於銅鑼灣嘅素食餐廳- 素喜館,樓上餐廳嘅設計好溫馨家庭式嘅感覺, 地方唔算太大, 我地平日夜晚去都好快就滿座, 想食嘅朋友記住要早D book位!餐廳係私房菜型式經營, 有設計好嘅menu,dinner set每人盛惠$250 無須加一;一個set有哂前菜, 湯, 飲品, 主菜, 甜品等, 睇落好似唔多野, 但食哂都幾飽下, 而且每樣食物都係用當造食材炮製, 夠哂健康!一入到坐低店員就斟左羅漢果花茶俾我地, 感覺好清新健康,仲可以清下清熱滋潤下, 我地飲得好快, 中途店員仲為我地添左幾次, 服務好好XD Dinner Set嘅前菜係分左3樣唔同嘅小菜,日式醋漬白蘿蔔, 奇亞籽蜜餞花豆, 涼伴茄子伴花生冬陰公醬白蘿蔔係一朵花嘅形狀好靚, 食落酸酸甜甜咁好開胃!花豆本身以為無咩味, 但食落原來係甜甜地, 本身唔太鐘意食豆嘅我都好快食哂; 涼伴茄子有好濃嘅花生味,原來以為冬陰公醬應該會好辣我食唔到, 點知其實係有冬陰公味, 食落其實唔辣仲好香
今次去左呢間位於銅鑼灣嘅素食餐廳- 素喜館,
樓上餐廳嘅設計好溫馨家庭式嘅感覺, 地方唔算太大, 我地平日夜晚去都好快就滿座, 想食嘅朋友記住要早D book位!
餐廳係私房菜型式經營, 有設計好嘅menu,
dinner set每人盛惠$250 無須加一;
一個set有哂前菜, 湯, 飲品, 主菜, 甜品等, 睇落好似唔多野, 但食哂都幾飽下, 而且每樣食物都係用當造食材炮製, 夠哂健康!
一入到坐低店員就斟左羅漢果花茶俾我地, 感覺好清新健康,
仲可以清下清熱滋潤下, 我地飲得好快, 中途店員仲為我地添左幾次, 服務好好XD
Dinner Set嘅前菜係分左3樣唔同嘅小菜,
日式醋漬白蘿蔔, 奇亞籽蜜餞花豆, 涼伴茄子伴花生冬陰公醬
白蘿蔔係一朵花嘅形狀好靚, 食落酸酸甜甜咁好開胃!
花豆本身以為無咩味, 但食落原來係甜甜地, 本身唔太鐘意食豆嘅我都好快食哂; 涼伴茄子有好濃嘅花生味,
原來以為冬陰公醬應該會好辣我食唔到, 點知其實係有冬陰公味, 食落其實唔辣仲好香!
食完冷盤前菜, 仲有個暖粒粒嘅蟲草花波菜豆乳燉蛋,
燉蛋好滑食落咸咸地有少少菠菜味, 我最鐘意蟲草花食落好有咬口,
仲有D魚子喺上面, 所以唔會似一般燉蛋咁寡!
當我地以為食完前菜會上主菜時, 下一道竟然係沙律!
意式車厘茄沙律伴黑醋汁, 蔬菜好新鮮,
無特別嘅調味只係有黑醋, 但食到D菜同車厘茄嘅鮮味,黑醋亦都好開胃!
之後嘅餐湯係亞麻籽紫甘荀蔬菜湯,
飲落同平時西湯差唔多,
仲有少少蔬菜蓉; 另外伴湯仲有麵包同芝士條,值得一講係個麵包幾軟熟好食haha飲完個湯都已經幾飽下XD!
主食前仲有一個小食就係黑松露芝士炸薯波,
薯波炸得岩岩好,好有薯味XD, 咬到去中間就會食到好大舊芝士而且好濃黑松露味, 外脆加內熱嘅芝士, 口感好特別, 鐘意食芝士同黑松露嘅人會好鐘意!終於去到主食- 昆布淮山本菇珍珠紅米飯,
呢個飯好似我喺日本食懷石料理嘅飯一樣, 有昆布絲淮山加本菇, 睇落好似好齋咁, 不過食落其實好夠味, 加上紅米好有咬口, 成碗飯嘅口感好特別!最後就係甜品, 桂花栗子露;
睇落好似奶茶XD 不過飲落就係甜甜地嘅栗子味 (唔會太甜太漏),
有少少栗子渣, 好少食呢類型嘅甜品,
但清清地食完感覺好清新, 成餐飯用佢來做結尾感覺好舒服!
張貼
