阿糊雲南米線 (已結業)

同好朋友唔想食咁貴, 又食厭左10蚊麵, 一於黎呢間新開米線舖。lunch time, 多數係學生, 亦唔需要等位。但例牌坐廁所廚房位......酸菜豬肚水餃米線水餃得三粒, 似係雪藏貨。豬肚較滿意, 唔會太腍左有口感, good! 米線份量頗多, 幾乎食唔曬。牛肚炸醬米線炸醬另上, 不免會同三哥既炸醬比較, 呢度炸醬係暖既(個人喜歡三哥炸醬), 肉碎較大粒, 份量都多, 而且米線既配料本身都有炸醬。牛肚較"un", 難咬, 往往未咬細已經吞左落肚凍檸賓、豆漿跟米線送既, 送凍檸賓幾少有, 但得一片檸檬, 死篤爛篤都無咩檸檬味, 不過for解渴都無所謂既。