小滿定律

營業中

休息中

講到西貢食雪糕，最近真係少不了「小滿定律」。呢間店舖就係位於小巴總站附近，行經7-11同百佳中間條直路就會見到。講到小滿定律呢度既特色，就係佢哋賣緊既係希臘乳酪froyo，佢既希臘乳酪唔似一般咁酸同杰，口感滑身易入口，基本上同我哋平時食開既希臘乳酪比，仲容易接受啲。我嗰次試左希臘乳酪雪糕既杯裝，價錢係$58，份量都幾夠，200克雪糕加上可以揀三款配料同一款醬汁，配料選擇都好豐富，有二十幾款可以揀，醬汁就有四款畀你配搭。我揀左綠茶粒糯米糍、咖啡蒟蒻同焦糖脆脆，焦糖脆脆當時未整好，店員好貼心地另上比我。醬汁方面，我揀左熱情果醬，佢係用新鮮熱情果打成醬，仲見到啲熱情果籽，酸酸甜甜，非常醒胃。講返配料，綠茶粒糯米糍既口感好正，糯米糍外皮軟糯，糯米粒幾有彈性，不過綠茶味有少少怪味，個人感覺唔係太啱口味，如果原味會好啲。咖啡蒟蒻方面就中規中矩，冇乜特別驚喜，純粹加左啲Q彈口感。至於焦糖脆脆，口感好脆，仲可以平衡到乳酪既酸味，同雪糕一齊食真係幾夾。整體嚟講，小滿定律既希臘乳酪froyo真係值得一試，食完又冇咁重既負擔，配料同醬汁既選擇多元化。如果你去西貢，一定要試下呢度既希臘乳酪雪糕！