北方餃子源 (榮華商業大廈) (已結業)

病到冇胃口但又要食藥，想食熱嘢，揀咗呢間。去親新店一定叫基本款，揀咗白菜豬肉餃麵。前菜有醃漬酸菜。店方用清水湯底，一定對自家出品非常有信心。麵雖然唔夠粗，但食落幾彈，是我喜愛質感。餃子皮好薄，摺口位都冇過厚，肉涵鬆軟剛好，調味唔錯。由於湯底冇味，用酸菜送口還可以，冇過鹹過酸都幾好。豆漿正常味道冇過甜。不過如果真係比較，隔兩條街嘅“龍鳳餃子館”嘅餃子形象鮮明，登龍街嘅“麵館皇”就麵條出色。呢度用清水煮真係争啲，自己買外賣用上湯煮應該唔錯。