上海婆婆 (已結業)

今次在綠楊坊食咗一間十分之中伏嘅上海菜。其實我只係叫咗個紅油牛𦟌拉麵，真係未食過如此難食嘅麵。先說個湯底,佢似乎係令到碗麵失色嘅地方。理論上佢應該係用清湯去泡這個面，但我覺得用清水去形容可能更加貼切。我有一刻懷疑過究竟佢係咪唔夠湯，所以溝左啲熱滾水落去呢？真係一啲味都冇。佢只能夠係話有少少嘅辣椒油的味, 所以整體上就係辣油加水咁樣嘅味。至於麵質都只是一般, 唔算太煙韌，又完全沒有蛋味，最後還食到一舊未散嘅麵團，口感分數大減。牛𦟌算是全碗麵最正常的東西，夠入味，味道都可以，唯一係有少少羶，不過呢樣野好見仁見智，我覺得尚可接受的。