雪ノ下 (已結業)

係漫街都係pancake 疏乎里嘅時代，雪之下算係pancake 界嘅清泉，並沒有diss 疏乎里嘅意思，但香港果種一hit 咗一種食品，就開到成行成市，令人審美疲勞，就算開頭鐘意食，都食到你驚，食到你冇感，的確可怕⋯我開頭都有沉過pancake 疏乎里嘅船，覺得好軟熟，好輕飄飄，好似食咗一片雲咁，好得意，但食咗好多次之後嘅我，當中當然良莠不齊，如果佢用嘅油唔靚，好多時油味重會蓋過蛋香，慢慢⋯我醒啦，想食返嘀實在嘀嘅野。朋友話呢間嘀pancake 好出名，咪去試下，噫？唔同喎！佢好厚實，近似蜂蜜蛋糕嘅感覺，入面比較濕潤，好香蛋味，有一種樸實嘅感覺⋯鐘意甜嘀嘅，可以再加上蜂蜜，好似置身日本嘅咖啡小店，再加上一杯earl grey ，真係太幸福啦！