慶發記小食

營業中

休息中

朋友知道我要入長洲，叫我記住試下呢一間小店的甜品，果然無介紹錯。首先想講嘅就係佢間舖雖然好細，但係D甜品款式真係有好多，搞到我都唔知試邊樣好。最後我揀了燉桃膠同燉雪燕。我係先食燉桃膠的，一開個樽，入面D材料絕不欺場，真係有好多桃膠，另外仲有杞子、紅棗等等唔同嘅中藥材，真係無諗過咁足料，真心抵食，夏天食呢個真係又清涼又滋潤，如果鍾意食桃膠嘅朋友真係唔可以錯過。至於佢個燉雪燕都好正，D雪燕爽爽地，又係一邊食一邊覺得好滋潤，凍食真係Fit晒，另一樣我好鍾意嘅就係佢雖然係甜品，但你佢嘅甜度只係屬於輕微，啱晒我口味，因為我真係好怕太甜嘅野。