老街 (已搬遷) 新店位置

我地叫左2個主食，有個滷肉飯，冇影到相就食左。滷肉係大粒有肥膏果種，唔係雜肉躁，鐘唔鐘意好視乎個人口味。味道偏淡，略嫌肉躁唔夠多，但飯量好夠。炸豆腐拼鹽酥雞豆腐好滑，薄皮都算脆，醬汁酸酸甜甜幾開胃。雞炸得香口，但略嫌有d老，但大大舊味道尚可。紅燒牛肉麵，湯有少少油，但唔會太肥膩。味道好清淡，如果期待好香濃既牛肉湯頭，可能會失望啦牛肉中等份量，尚算軟熟。不能不提我叫左杯桂花冰梅汁，真係好伏，佢冇桂花味，淨係好濃烈既藥水味，我唔知冰梅係咪真係咁既味，但我最後冇辦法飲哂佢。可能原本期待幾高，所以最後有d失望，不過成餐水準都唔係差，只能講不過不失。