新蒸武門 (已結業)

每次跟朋友出去食飯，食完都會覺得食左好多油同醬料，今天特別地挑選了呢間新蒸武門食晚飯，食得健康一D。餐廳的環境都十分整理同埋舒適，顏色配搭也不錯。茶是一杯杯的，坐低就沖水浸泡，茶味都幾香同幾好味。土魷蒸肉餅土魷蒸肉餅的肉十分鬆軟，一口咬落去就有好香的土魷味道，用黎送飯真係一流，肉味濃郁及土魷的香味配合得十分得宜。蒸三刀魚每天新鮮的菜色之一，新鮮的三刀魚蒸完的肉質仍然十分鮮嫩，而且骨不多，可以大口大口咁將肉放入口，只用了少少醬油來調味已經足夠發揮了魚的味道。香菇杞子北芪銀山焗雞用焗的形式令到配料的味道可以更加地跟雞肉混和在一起，一拆開已經聞到雞味四溢，雞肉保持到嫩滑，蒸完的雞汁配飯食更加一流。