影片
更多
2011-01-05
8 瀏覽
10月23日, 呀菲終於都減完肥~ 可以再開始喪食啦! 但係因為放監第一日喉嚨已經覺得唔舒服… 所以揀咗黎食清淡d嘅上海野~ 星期六午市時段罕有地唔洗等位, 仲可以有個無敵海景嘅卡位坐! 呢頓午餐真係食得令人心曠神怡~::: 雞絲粉皮 ::: $42特別要求麻醬另上以免醬汁泛濫搞到無晒其他味, 侍應都有將要求寫喺菜單上~ good! 呢度嘅雞絲粉皮夠凍, 青瓜絲比較多, 雞肉比較細碎… 但味道尚算清甜. 薄薄的粉皮晶瑩煙韌, 彈牙~ 撈埋麻醬食又有爽口感, 不錯~ 不過份量較小.::: 上海小籠包 ::: $28小籠包一籠四個, 皮厚薄適中, 重點係多汁! 一夾起, feel到個外皮袋住d湯, 喺裏面浪下浪下, 又唔會爆出嚟wor~ 真係夠晒juicy! 開頭食覺得內裡肉餡味道略淡, 但無乜調味料正好讓肉味慢慢滲出~ 點埋醋食就啱啱好! 正!::: 嫩雞煨麵 ::: $42呢個真係病人主食嘅代表! 只有少少雞肉、白菜同麵… 十分清淡~ 雞肉同白菜都切成小粒小段, 食落帶有上湯的清甜. 麵條都碎碎地, 煮得好淋, 基本上唔係好洗咬都已經可以直吞落肚… 成碗野味道都好清淡, 好靠上湯帶出味
::: 雞絲粉皮 ::: $42
特別要求麻醬另上以免醬汁泛濫搞到無晒其他味, 侍應都有將要求寫喺菜單上~ good! 呢度嘅雞絲粉皮夠凍, 青瓜絲比較多, 雞肉比較細碎… 但味道尚算清甜. 薄薄的粉皮晶瑩煙韌, 彈牙~ 撈埋麻醬食又有爽口感, 不錯~ 不過份量較小.
::: 上海小籠包 ::: $28
小籠包一籠四個, 皮厚薄適中, 重點係多汁! 一夾起, feel到個外皮袋住d湯, 喺裏面浪下浪下, 又唔會爆出嚟wor~ 真係夠晒juicy! 開頭食覺得內裡肉餡味道略淡, 但無乜調味料正好讓肉味慢慢滲出~ 點埋醋食就啱啱好! 正!
::: 嫩雞煨麵 ::: $42
呢個真係病人主食嘅代表! 只有少少雞肉、白菜同麵… 十分清淡~ 雞肉同白菜都切成小粒小段, 食落帶有上湯的清甜. 麵條都碎碎地, 煮得好淋, 基本上唔係好洗咬都已經可以直吞落肚… 成碗野味道都好清淡, 好靠上湯帶出味道. 但對於想食清d嘅病人黎講, 呢個麵真係適合不過~
::: 山東手抓餅 ::: $22
全餐飯最油膩的食物… 但其實都唔算好油, 起碼肉眼望落係乾身的. 不過拎上手食的話就會feel到佢d油跡喇…賣相亦不太討好… 手抓餅質地鬆軟, 有少少似馬來西亞的油鬆餅~ 而味道就同蔥油餅差唔多~ 算係飽肚之選.
感覺好relax的一餐上海菜~ 環境好, 服務唔錯, 食物水準中上, 而且價錢唔貴. 只係佢嘅茶略為冇乜味, 可以改善一下~ 平時成日見到time square店的人龍都怕咗等而唔食… 但原來多人等係真有原因的~ 下次想食上海菜都會返嚟再食~ 希望到時唔好咁多人等位啦!
張貼
