健康齋廚

營業中

休息中

成日大魚大肉，有時都要清清地，為健康加油。今晚等爸媽休息下，約埋佢哋一齊去開餐。這家齋舖又幾大，感覺很乾淨舒服，而且餸菜選擇都算多，今晚由爸爸話事，幾款都好味道又會會太鹹。自製齋滷味：我最愛的齋燒鵝整得好好味，調味辣汁的味道剛剛好。紅燒竹苼翅：好足料，竹苼同木耳都好多，個湯羹清清地，配埋竹苼同翅，啖啖都咁豐富。五柳素仙班：睇表面的確同平時係出面食既唔同，但食落佢又炸得個面好鬆化，芋蓉好軟唔會太實肉，配甜酸汁真係好夾。鮮淮山炒南瓜：用椰汁炒，好有椰香味，好特別，淮山同南瓜好淋好入味。