新蒸武門 (已結業)

今日同朋友喺駱駝漆附近搵地方食飯，佢唔鍾意食西餐，我又有啲感冒想食清淡啲，於是就諗住搵間嗌餸食飯嘅餐廳，上網搵到呢間新蒸武門，見佢標榜健康冇味精，就決定試吓。我哋叫咗個孖寶套餐，有土尤蓮藕煎肉餅同埋蟹肉西蘭花，另外再散叫多一個燉湯，章魚赤小豆蓮藕豬𦟌湯。燉湯非常足料，冇味精但都夠晒味肉餅有驚喜，雖然係煎但係冇油膩嘅感覺蟹肉西蘭花啲芡汁俾得夠，味道都ok兩個人埋單二百幾蚊，以兩餸一湯嚟講唔算平，好彩食物質素夠高，真係一分錢一分貨。下次想食住家餸都會再嚟