辻利茶舗 (已結業)

一向都好鍾意飲焙茶綠茶個啲日本茶🍵，今日去開Apm就諗住試下依間聲稱係日本好受歡迎，開到黎香港嘅辻利茶舖🍵中午時間未夠兩點黎到，佢坐位唔多，只有十個位左右，不過大部分人都係買飲品🥤或者雪糕🍦就走，唔係好多人坐低食，所以等一等就已經有位👍我叫咗一個明太子茶漬飯同埋一杯焙茶拿鐵，等左10分鐘左右就有得食😋😋個飯嘅味道偏清淡，明太子味唔係好濃，用黎撈飯嘅茶味都偏淡，如果想食清啲嘅時候應該會覺得幾好☺️至於杯培茶拿鐵，我個人覺得好好味，焙茶味同奶味都好濃，好滑，飲完好滿足😋😋😋