龜苓元坊 (已結業)

可能最近食得熱氣野多，牙肉腫痛喉嚨又成日乾乾涸涸，搞到放工都冇乜胃口食嘢，咁啱經過東廣場呢間涼茶舖，見到有涼茶飲又有餃子食，清清地就去幫襯下。叫咗10隻韭菜湯餃加杯菊花茶，湯底幾清，韭菜味夠香，餃子大細適中，店員細心問需唔需要辣菜脯，不過我喉嚨唔舒服咁冇要到，只係點醋就OK。呢度嘅餃子皮偏厚，食完10隻都好飽。菊花茶份量唔算大，淡淡的清香嘅菊花味，飲完個喉嚨舒服左好多。得閒食返啲清淡野，個人都覺得清新健康啲！