生記鮮魚湯米線 (已結業)

試完生記牛腩，又試左粥鋪，今次試埋生記米線。呢間主打魚湯，有得叫招牌雜錦，梗係直接叫呢個，可以試多d 餸，有雞翼，炸魚球，魚肉，魚蛋片，腩片。一黎到試下個湯先，都ok, 但係唔係想像中咁濃，如果鐘意清清地既就梗晒，因為我比較重口味，同想像有d d 落差。魚蛋片，炸魚球，魚肉都好食，食得出足料。$57 係呢頭既價錢算合理，都算大碗，唔會食完唔夠果隻。鐘意魚湯既可以一試，但你話係咪好好食，又講唔上，間中想食清d 可以再試。