鳥良 (已結業)

今天要繼續清清淡淡，但又唔想太寡，所以揀左食烏冬。十二點二左右去到店前，可能時間尚早，只係得兩枱客，不過可能店員估計一陣會好多人，所以都安排我撘枱。咁我得一個人，都冇乜所謂。叫左蟹子沙律，照燒雞扒烏冬。等左都幾耐下（十分鐘左右吧），沙律先至上枱，都幾大碗，冇錯係，係用大碗裝的，份量都唔少，清瓜絲亦爽口。食到大半，烏冬亦來了，個湯清清地甜甜地，有D 海澡同粟米，都 ok。烏冬有咬口，但唔算彈牙，最可惜係件雞扒浸左喺湯裡面，浸到淋淋地，照燒醬嘅味流走左，雞肉仲要鞋鞋地，實在係敗筆。