影片
更多
2009-01-19
92 瀏覽
前晚(17-1-2009Sat)同男友整完o野同行完街搵o野食,佢話呢間o既豆品唔錯,又有小食食,o岩我o地o衣o家唔想食太多o野食.於是走o黎,o黎到只有兩個客,我o地叫o左:1.$10.00o既麵醬豆卜豆卜唔太多,麵醬其實係麵豉,不過唔係落太多,所以味道o岩o岩好.2. $12.00o既健康炒麵有木耳絲,椰菜同豆卜,成碟唔油,但好重木耳味,個人唔係幾鍾意咁大陣木耳味.而麵都清清地o既,就因為咁,所以叫做健康炒麵3. $13.00o既胚芽豆漿都算幾多胚芽,但豆漿味唔係太濃.4. $15.00o既木瓜豆漿呢個飲到淡淡o既木瓜味,唔太甜.5. $20.00o既香濃冰糖腐蓉薏米糖水呢個話凍食要一個鐘前預訂,因係即製,咁我o地唔係一定要凍,食完以上o既o野當甜品,順便攤凍至暖暖地o岩飲重好. 呢個亦係男友推介雖然佢未試過,但見我鍾意食腐竹.呢個豆味濃好多,又滑,薏米好腍.呢個真係值得推介.呢o度重有好多豆類製品同外賣即製熱迷你桶仔豆腐花,但又要20分鐘前預訂,同要畀$100.00做桶仔按金,男友話下次可以買o黎到我家食.服務:唔錯,好有禮貌.環境:呢間舖用射燈,係好光猛,但呢晚唔算好熱,微涼
1.$10.00o既麵醬豆卜
豆卜唔太多,麵醬其實係麵豉,不過唔係落太多,所以味道o岩o岩好.
2. $12.00o既健康炒麵
有木耳絲,椰菜同豆卜,成碟唔油,但好重木耳味,個人唔係幾鍾意咁大陣木耳味.而麵都清清地o既,就因為咁,所以叫做健康炒麵
3. $13.00o既胚芽豆漿
都算幾多胚芽,但豆漿味唔係太濃.
4. $15.00o既木瓜豆漿
呢個飲到淡淡o既木瓜味,唔太甜.
5. $20.00o既香濃冰糖腐蓉薏米糖水
呢個話凍食要一個鐘前預訂,因係即製,咁我o地唔係一定要凍,食完以上o既o野當甜品,順便攤凍至暖暖地o岩飲重好.
呢個亦係男友推介雖然佢未試過,但見我鍾意食腐竹.呢個豆味濃好多,又滑,薏米好腍.呢個真係值得推介.
呢o度重有好多豆類製品同外賣即製熱迷你桶仔豆腐花,但又要20分鐘前預訂,同要畀$100.00做桶仔按金,男友話下次可以買o黎到我家食.
服務:
唔錯,好有禮貌.
環境:
呢間舖用射燈,係好光猛,但呢晚唔算好熱,微涼,都攪到我一坐抵就要除背心.
衛生:
基本上可以,但都有隻小昆蟲飛吓飛吓,睇o黎要注意喇.
張貼
