珍心素食豆漿豆腐花專門店 (已結業)

素食 聽落去感覺都健康咗幾倍🤭豆漿豆腐花專門店見到佢有個豆腐飯 幾特別出於好奇心之下 因為未食過叫咗一碟試一試 個人認為ok但唔係個個接受到嗰種味同口感另外佢有外賣抗疫冷凍儲糧套餐🤣🤣配合返大家嘅需要拎出嚟整返熱就食得

首次來臨，老闆精心推介這個西蘭花豆腐豆漿湯飯給我吃。建議: 喜歡吃清淡丶無添加丶自然食物的朋友可試試特色: 1.豆漿湯很香濃，很新鮮據說是用機親手打磨的2.配合自家製的面豉醬，咸咸的豆香味為鮮香的豆腐加上點兒味道3裡面有塊豆腐很特別，裡面有一顆顆的東西，原來是健康的奇亞杍，挺有創意4.配合健康紅米飯老闆是個懂享受丶願意分享品嚐心得和研究的人，服務態度也很好。

好耐之前在灣仔吃過一次 珍心素食 已經留下深刻印象，事隔多年都無乜機會再食，今日經過旺角搵地方食午餐，忽然醒起又行入去食下。平民價錢選擇多元化，仲要真係好好食，食完好想搵日再去食腸粉豆花碗仔翅。素食餐廳在旺角砵蘭街，在油麻地和旺角地鐵站中間，我自己就成日會行過果頭，所以都幾方便易搵。入面裝修簡簡單單，就係一般香港茶餐廳小店的Style。除了一般餐牌之外，店內牆上仲貼左好多唔同菜式，周圍望下又見到有新野食，感覺幾有趣。疫情期間推出多款外賣飯餐，非常抵食。個餐牌真係好多元化，除了飯和湯麵之外，仲有各種點心小食，花多眼亂樣樣都好想食。食完正餐仲有豆腐花和其他中式甜品，真係好需要再來食多幾次。沙嗲素牛湯湯麵 + 豆漿 HK$54麵底可以揀蕎麥麵或烏冬，或者加錢升級轉南瓜糙米米粉。原先以為會係沙嗲湯底，點知係類似豆乳濃湯勁好飲！沙嗲牛肉個醬好重花生醬味，熱愛吃花生醬的寶寶表示高興！食落仲唔會好油膩，碗麵仲有菜、海帶、紅蘿蔔絲和玉米粒，有齊唔同顏色又夠豐富。好耐都食過咁好食的素湯麵喎，真材實料又有用心機煮的感覺，以後要多點再來吃。

大前日(30-10-2021 Sat）同老公喺佐敦一帶食完嘢後,就行去旺角消滯,而老公仍然話要食啲嘢做晚餐=.=”,佢諗起呢間,於是行嚟食.睇完menu,決定要:1. $20.00嘅餈飯落單時,亞姐問使唔使幫我哋分開一半,醒目.餈飯熱騰騰,我嗅到好香,食落,素肉鬆好脆口,糯米軟糯,味道亦唔太濃,都唔錯嘅.味道:5分2. $15.00一杯嘅熱豆漿要兩杯豆味濃亦唔太甜,幾舒服.味道:5分3. $36.00三件嘅煎蘿蔔糕其實我要$30.00三串嘅燒雞肉串,但落完單後話冇,咁就改落單時亞姐問我哋要唔要嘅煎自家製嘅蘿蔔糕啦.呢個蘿蔔糕材料有蘿蔔,冬菇同啡色嘅唔知咩嘢,個糕有啲鬆散,唔多有煎香,食到啲胡椒味.味道:2分抵食係2.33 分

以前久不久有經過這間位於旺角砵蘭街的素食店，印象中開業都有很久了，不過附近食肆林立，一直都沒有甚麼興趣去嘗試這間令人感覺傳統的「齋舖」。直至早幾天，一位喜歡食此店的朋友說老闆準備休息一下，再找個地方搬遷；雖然沒有光顧過，但一直有印象此店的存在，決定去試試她們的食物。就如其名，原來小店專門做豆漿、豆腐花等豆類製品，剛坐下也聽到不同檯的食客落單點此類豆品，想必味道應該有保證。素飯和湯麵各有八款，下午茶時間來到不想食得太飽，又想試試她們的豆品，決定點一碗湯麵。老闆聞聲即應，為我下單後，大概廚房的姨姨是新來的，老闆鼓勵她可以嘗試製作我的餐點，一步步引領她，最後送上一碗努力學習製作的湯麵。五色全素湯麵($46)色彩鮮豔，有西蘭花、生菜、粟米、紅蘿蔔絲，還有一大堆我喜歡的木耳絲湯底程奶白色，沒有稠度，聞上去有微微豆味，飲下去有甜甜香香的豆味，就如一碗順滑的豆漿，跟這碗麵很匹配，不添加味精所以到最後我飲完整個湯底也不會口渴，然而美味的感覺讓人想加湯呢麵底我選了蕎麥麵，聞上去有微微的香氣，口感煙韌不太淋，我覺得生熟度掌握得不錯，配著香滑的豆乳湯底和夾著不同的配料，口感味道豐富不覺「素」西蘭花煮得淋，紅

琴日中秋買左兩桶豆腐花俾同事食諗住大家節日返工都慶祝下又唔洗下下食月餅。但今日歸還豆腐花桶時店員竟問要歸還豆腐花既鐵匙，而昨日交收時只講明要歸還豆腐花桶便可以。我當時表示公司同事已當垃圾處理，其中一位店員竟開始用粗暴聲線責怪我，結果額外收左我每個鐵匙$40！！！（共$80，從豆腐花桶按金扣除）大家如想買桶裝豆腐花請叫店員白字黑字寫明要還咩物資！🌚🌚🌚縱然味道不錯，但唔會再幫襯（有點不老實，單亦冇寫明有豆腐花匙按金收費）

又放飯啦!今日同同事在旺角吃午餐，我們都想吃齋，被門前介紹牌吸引，就走進了附近的珍心素食。這是一間素食店，有幾個餐可選擇，有雙拼飯，包飲品，也有精選飯餸，今日有珍滋味手工豆腐湯、三色椒鳳梨炒猴頭菇和涼瓜炒素豬扒，有不同選擇。我選了三色椒鳳梨炒猴頭菇，三色椒和鳳梨是我至愛，味美，我尤其喜歡鳳梨的酸甜味，猴頭菇也很美味。朋友選了涼瓜炒素豬扒，她說很喜歡涼瓜有少許甘苦味，素豬扒也很吸引，味道好。我們要了2杯豆腐，味道比其他店舖的更美味濃郁，真材實料我們都很喜歡。店主服務好，不停向客人介紹各種菜式，講解製作程序，增加大家的溝通，同客人打成一片，真是一間值得推介的小店。

最近全家都努力工作，所以又回復日日外食/食外賣既日子，肥左唔少🤭 放假出街想食清d同食平d，就揀左珍心素食豆漿豆腐花專門店🙂➿ 手包粢飯 ($20) *轉三色米 (+$6)粢飯咬開比較鬆散，證明係即叫即包既，油炸鬼脆脆der👍🏽➿ 珍滋味湯 ($46）本來想試香煎黃金豆腐，但原來冇左喇😟 老闆對每枱客都落力推銷呢個佢地自家制、跟足日本做法既豆腐～ 我覺得佢地既豆腐食落真係比平時食到既嫩滑，感覺石膏既成份唔重🧐 仲有額外配發酵過既豆瓣醬同芫荽醬，味道唔錯👍🏽 每次上枱個陣，老闆都會話：「欣賞舊豆腐之前，記住飲兩啖湯先」飲哂碗味噌豆腐湯湯都飽🤭佢地既豆腐仲可以外賣，老闆話可以即叫即整😲 住附近既朋友可以try try啊！➿ 沙嗲素牛肉湯麵套餐 ($54)喺第二間素食餐廳食過既素牛肉仿真度高d，同埋呢度既素牛肉沙嗲味唔重🤨 蕎麥麵就比日式個種麥味冇咁重，但係口感彈牙d😋 所以我覺得相比豆腐，牛肉麵整體黎講遜色d～➿ 薑汁豆漿 ($20)好夠薑，味道又夠真👍🏽

珍心素食，其實是用心的素食。我可能一年都食唔到一次素，最近想為地球減炭排放，於是試試。味道夠濃，重點是這餐廳老闆很用心去講解每一道一足$100元既菜式。價錢方面是平民價，午市$60一餐有少少偏高但可以接受。

次次黎到旺角想食素.就會黎珍心素食已經食過>5次👍🏻五色素湯麵真係無得輸個湯好好飲好清甜 蕎麥麵軟硬適中D配菜(木耳+翠玉瓜+粟米+椰菜+蘿蔔)勁鮮甜!!! 次次食佢真係都唔會令我失望!豆漿有豆味 好味~😋有次老闆請食豆腐花 係幾滑又有豆味但次次食碗麵已經好飽所以無肚再另叫豆腐花另外有次老闆請我食個自家製辣辣地既醬加落五色素湯麵 又幾好味~😋p.s.老闆(應該係)好熱情 見佢成日都會請d客食野又會不停介紹有d咩好食 d熟客同佢傾得都幾開心但有時我就會想靜靜地自己食下麵🙈

想食素既一個晚上，去到旺角呢間已經好多年既小店。提一提呢度嘅腸粉係超好食的！不過今次就唔係黎食腸粉，叫左雙拼飯餐。南瓜、豬扒飯超好食嘅南瓜！！！係可以不停食嘅節奏！南瓜甜又香！好少食南瓜既我竟然覺得唔夠喉！豬扒都幾好，雖然同真既分別有些少唔同，但係都幾好味的！雪耳薏米水嘩！！好飲呀！！仲好足料，潤返晒！下次黎要試飲下佢個胚芽系列！整體評價：👍🏼👍🏼👍🏼👍🏼👍🏼

珍心又係一間我好鐘意去既平民素食店，一黎平啦，二黎依度仲有好多香港地道小食。每次黎到都唔知食小食定係正餐好，而最後通常都係會揀左小食。碗仔翅餐包左珍心素碗仔翅同香滑腸粉。珍心素碗仔翅既英文名係Jane's Soup，唔知老闆英文名會唔會就係Jane呢。碗仔翅都幾多料，有木耳、冬菇、豆干同粉絲，味道同濃度同一般碗仔翅都差唔多，加埋醋同胡椒粉就perfrect。香滑腸粉真係好香滑，加埋自家製麻醬同靚豉油，成個味道昇華左。順帶一提佢地既辣醬都幾辣下，唔食得辣既朋友唔好咁貪心，一次過落勁多。猴頭菇飯可以揀唔同汁，我地就揀左燒汁。啲猴頭菇口感唔錯，個燒汁既鹹甜亦都適中，份量又夠哂多，無可挑剔。最後介紹埋我最愛既手包粢飯。粢飯可以揀普通糯米或者三色米，三色米健康啲，但唔健康既食物永遠比較吸引。熱辣辣既糯米包住仲係脆卜卜既油炸鬼同素肉鬆，平凡但好味。食得太飽，已經冇空間再食埋甜品。如果食甜品既話，一定要食冰糖腐竹糖水，味道清甜，啲腐竹好足料又夠滑，真心正。

過去在上畫班的時候，我都會經過這間「珍心素食豆漿豆腐花專門店」，這是一間地方非常狹小的小店，每次經過我探頭看看，發覺非常好生意。今天經過終於看見有一空枱，於是入店鋪嘗試。原來小店祇有六張小枱，排得非常擠迫，建議購物後不宜進入。家人點選腸粉與豆漿套餐，我嘗試少許腸粉，腸粉爽滑，重點在豉油與白芝麻，鹹中帶甜，甜中又帶麻香，非常美味可。我的薑汁豆腐花，豆腐花不是很滑溜，薑汁代替糖漿，的確是新口味又健康，吃過後，口腔滿溢薑的香，辛，辣。

一入去，有個後生啲嘅男人，態度冇乜嘢嘅，但我叫嘢食嗰陣，有個四眼阿婆走出嚟落單，我問佢有冇A+C嘅餐，佢一開始就好唔耐煩咁叫我睇清楚先，得A+B或者C+D，咁我問佢A+C正價呢，佢死死地氣計俾我，然後我要A+B，佢都仲好寸咁問我：「諗清楚啦嘛？」然後我嫌個位有啲逼，推出少少張枱，佢即刻話我：「你唔好推張枱呀，set好咗距離㗎，唔係話你覺得逼就可以推㗎，唔係犯法㗎！」我即刻起身：「犯法呀？犯法咁我唔食喇。」我以後都唔會再入去。

早前，知己好友請我到旺角食晚飯！我卻不太肚餓，我們由旺角朗豪坊沿砵蘭街行，如果食火鍋又會好飽，見到有間素食店 <珍心素食豆漿豆腐花專門店>！ 素食也是不錯的選擇！供應：輕食、素湯麵、素飯、腸粉、炒麵、炒菜、豆腐花...！頭抽腸粉 $16/ 4條除了香滑的初榨橄欖油花生醬之外，特別加入頭抽豉油，零舍鮮美突出！醬汁絕對是腸粉的靈魂！  熱辣辣的腸粉口感軟滑！真心抵食又推介的頭抽腸粉！熱芝麻豆腐花 $25芝麻糊幾濃郁，卻是整體甜味稍遜略為淡口！豆腐花軟身滑溜！