金順蘭州拉麵

營業中

休息中

星期日下晝十二點幾，拐到呢間鋪仔到搵麵食。家庭式經營o既鋪仔細細，廿人都坐唔落，唯有坐近門口…咁就望唔到師傅點整麵。因為預o左要等，所以除o左牛腩麵外，仲叫o左個青瓜打發時間。青瓜爽爽脆脆，普普通通。時間o岩o岩好，食完碟青瓜碗麵就到。湯底好清，有牛肉味，牛腩瘦得o黎都幾鬆化，最重要係個麵有咬口。一路食，覺得食開同區港式金銘牛腩麵o既話，呢度都係一個唔錯o既另類選擇。最後差唔多成碗湯飲哂，埋單半小時後行到返屋企都唔口渴。無味精，抵加分！