影片
更多
2013-10-06
265 瀏覽
少少前文提要，就喺跟一班食家嚟到旺角新世紀嘅百樂，嚐清酒，品潮菜。「上篇」一下子分享咗足足8道冷盤涼菜，實在令人回味，「下篇」主要分享主菜及甜品，樣樣都各有特色，實在期待。 白烚凍花蟹 料靚固然重要，師傅烹煮嘅時間拿捏都同樣重要，依道白烚凍花蟹正好反映出上述兩點，最貼心喺師傅已將蟹拆件，方便客人食用。蟹肉雪白，結實鮮甜，可以講喺每啖盡是鮮味。 荷蘭煙鱔 外表平平無奇，有啲似薄切嘅豬腩肉，但將鱔片放入口嗰刻，感覺絕對喺驚喜，因為煙燻味極之香濃突出，鱔片做得非常之薄，食到油香又唔會令人覺得好油膩，另外加咗少少黑椒碎，令整道菜更惹味，香口。 潮陽炸雙棗 炸雙棗，就喺炸蝦丸和炸蟹丸，炸蝦丸相信大家都食得多，而蟹餅、炸蟹鉗都食過，不過炸蟹丸印像中就應該第一次食。咪以為兩者製法一樣，蝦肉可以撻到佢起膠再喞成丸，我估無人聽過搵蟹肉撻成膠啩，而蟹丸則加入生粉搓成，再以腐皮包著炸才成丸 。兩者都炸得唔油膩，非常香口、甘脆，兼且帶有濃濃鮮甜蝦和蟹肉味，正呀！ 煎蠔仔烙 食完個香口嘅炸雙棗，香口嘢停不了，再嚟就喺煎蠔仔烙，又喺潮洲出名嘅菜式之一。蠔烙厚薄適中，邊位更特別脆口，最
白烚凍花蟹
料靚固然重要，師傅烹煮嘅時間拿捏都同樣重要，依道白烚凍花蟹正好反映出上述兩點，最貼心喺師傅已將蟹拆件，方便客人食用。蟹肉雪白，結實鮮甜，可以講喺每啖盡是鮮味。
荷蘭煙鱔 外表平平無奇，有啲似薄切嘅豬腩肉，但將鱔片放入口嗰刻，感覺絕對喺驚喜，因為煙燻味極之香濃突出，鱔片做得非常之薄，食到油香又唔會令人覺得好油膩，另外加咗少少黑椒碎，令整道菜更惹味，香口。
潮陽炸雙棗 炸雙棗，就喺炸蝦丸和炸蟹丸，炸蝦丸相信大家都食得多，而蟹餅、炸蟹鉗都食過，不過炸蟹丸印像中就應該第一次食。咪以為兩者製法一樣，蝦肉可以撻到佢起膠再喞成丸，我估無人聽過搵蟹肉撻成膠啩，而蟹丸則加入生粉搓成，再以腐皮包著炸才成丸 。兩者都炸得唔油膩，非常香口、甘脆，兼且帶有濃濃鮮甜蝦和蟹肉味，正呀！
煎蠔仔烙 食完個香口嘅炸雙棗，香口嘢停不了，再嚟就喺煎蠔仔烙，又喺潮洲出名嘅菜式之一。蠔烙厚薄適中，邊位更特別脆口，最正喺蠔仔落得一啲無手軟，又肥美多汁，沾啲魚露，一流，值得推介 。
豆醬龍崗雞煲 又喺一道「雞不可貌相」嘅主菜，足晒秤嘅龍崗雞以豆醬醃好煲煮，因為煮得夠晒火喉，所以由食友幫忙拆件時，骨肉輕易分離。依道菜最好配碗白飯，因為湯汁濃稠啱啱好，又吸收晒雞香精華，撈飯真喺無等彈。而雞肉煮等酥軟，入口估唔到嘅綿滑，鹹香味濃，好食 。
欖菜肉碎四季豆食咗多道特色菜，欖菜肉碎四季豆可能會覺得普通咗，但勝在一樣有質素，同樣又喺撈飯好朋友。四季豆切得長短一致，跟欖菜炒起嚟鹹香惹味。
芋泥蛋白最後登場自不然喺甜品時段，店方為我哋預備咗兩款甜品，首先喺芋泥蛋白，由於喺新嚐試，暫未列入餐牌。其實喺將燉鮮奶蛋白配芋頭露，個別嚟講，燉鮮奶蛋白做得滑溜，芋頭露亦都很綿滑，若以清淡少甜為大前題，都OK嘅，不過小弟就略嫌淡口，味道上未喺好能夠突出啲芋頭味！
炸金瓜餅雖名為金瓜餅，其實亦加入咗芋絲，將南瓜絲、芋絲混和粉糰做成大餅脆炸，由於南瓜同芋頭都喺小弟喜歡嘅食材，所以我都幾喜歡依個甜品，兩者都質感粉香。不過同樣情況，味道輕甜得緊要，實在似食鹹點多過甜品 。
對以上兩個甜品，小弟有個建議，若因為健康為由想做得少甜，芋泥蛋白可以好似食豆腐花咁，另外提供糖漿讓客人按喜好自行添加；而炸金瓜餅則可加另備一小碟糖膠供客人沾點之用 。試咗多道特色潮州美饌，水準亦相當高，今晚果真大快朵頤，間中能夠做此「試食大臣」 ，有何樂而不為！
張貼
