仁和堂龜苓膏專門店

營業中

休息中

順天新開張嘅涼茶店！今日跑完步去買！ 裝修光鮮，一邊櫃檯加雪櫃，另一邊有座位，食物除咗一般涼茶舖之外，仲有燉湯！可以買套票！今日第一次幫襯，就唔買套票住！兩個阿姐店員有啲手忙腳亂，不過依然有禮！執好就袋好比我！ 龜苓膏（$25）（細）叫了3個，媽咪阿姨都有份，密封式保鮮盒，可入微波爐，盒面有彩色圖片！打開黑色一碗，媽咪有落糖漿，我唔落，膏身爽口，味道微甘！好味！ 茶葉蛋（$10x3隻）見有茶葉蛋，自己少食茶葉蛋！用紙袋裝，可惜比滲出來嘅茶汁整濕晒，呢個顏色就好深色，打開蛋白網紋唔多，食落微鹹，有啲豉油嘅香！蛋白幾滑，質地彈牙！不過其中一隻唔夠熱！下次可以試下啲燉湯！