一蔵酒場 (已結業)

慶祝朋友升職, 今日嚟到灣仔碼頭嘅一藏酒場,飲返杯！賀一賀佢！ 店長介紹下點咗呢款十四代清酒 ($108), 飲落帶點果香, 感覺很清爽。飲酒又點少得枝豆($42), 呢度嘅枝豆加入辣味醬油, 特別惹味, 食到停唔到口。一藏三點漬物盛$68 三款前菜之中, 最令人回味嘅必定係呢味清酒雞肝, 入口質感綿密, 食到中間竟然仲流心, 加上佢帶有微微酒香, 實在令人無法抗拒！一藏爐端燒盛合$168 雞翼皮燒得香脆無比, 同嫩滑雞肉形成強烈對比。牛舌夠厚身, 咬落爽口滋味, 配清酒一流！燒德島香魚136 新鮮香魚無需多餘調味, 簡簡單單嘅鹽燒已經 帶出其自然魚鮮味。海鮮濃湯烏冬 $138 烏冬質感比平時食到嘅更加柔滑, 口感極佳, 湯底集合多款海鮮嘅鮮味, 濃郁美味。