Flamingo Bloom (已結業)

同朋友 約咗去大館 參觀兼影下相，經過呢一間之前爆紅嘅飲品店， 見有少少口渴就入去買杯嘢飲兼坐下。成間鋪頭都係糖果色嘅設計，加上門口有一隻大紅 鶴嘅水泡， 絕對吸引唔少女仔喺呢度打卡 ，因為成間鋪頭設計都非常之igable 。我哋分別每人叫咗一杯嘢飲，我就叫左一杯水果茶 ，茶底係烏龍茶 ，飲落茶味好重，唔會太甜，而且水果好清新，非常足料，入面有檸檬、蘋果、西瓜等等 ，入口 酸酸甜甜 ， 對於唔太鍾意飲臺式飲品嘅我嚟講，呢杯嘅味道好好，因為唔會太多化學嘢，例如奶精 、糖等等。 所以飲落口嘅感覺都比較健康。