一芳台灣水果茶 (已結業)

原本想要杯飽肚啲嘅芋頭飲品，不過又再次被甘蔗汁所吸引，最後就變成嗌甘蔗青茶。為咗可以有嘢食，就試吓加綠茶凍。職員好好，會問需唔需要少糖少冰，方便無記性嘅人唔使又要錯甜度同冰度。甘蔗本身就有甜味，所以轉少糖都好緊要。甘蔗解津，青茶解膩，兩者意想不到咁夾。綠茶凍唔同普通啫喱，帶有少韌度，即使吸嚟飲都方便，唔會全部碎晒喺杯底而食唔到。食落似係蜂蜜綠茶味，比想像中好食。