盈記四季養生麵館

營業中

休息中

今日去咗灣仔同朋友好想食碗米線，見到呢度有藥膳湯米線，好養生咁。平時食米線通常都係味精湯，今次個米線湯底真係好飲得過。我哋叫咗個藥膳農場雞養生湯米線，湯底有好濃郁嘅紅棗味，味道清甜，農場雞件大件又多肉，就連雞皮都唔會好肥有好多脂肪，肉質好嫩滑。另外朋友叫咗個鮮茄自家製水餃湯米線，蕃茄湯底非常滋味，加上紅蘿蔔、薯仔一齊煲嘅湯底份外清甜，飲落唔係好傑身嘅嗰種蕃茄湯，但係蕃茄味就好濃郁，米線軟硬度適中，水餃好足料。仲有一個小食藥膳湯墨魚春卷，都幾彈牙入味，一份有6隻。叫嘢飲仲有半價，同埋全單有九折都幾抵食。