三喜家 (已結業)

雖然呢個星期日日都落雨，唔代表人唔會熱，今日我行都口乾搵野飲，咁啱行入巷仔見到一間花甜果茶，都好。三類飲品，果汁、奶昔、沙冰。招呼我個女仔，介紹話冰沙最受歡迎，金娥東是其中之一，我就聽佢講試吓，估唔到個樣咁靚，唔影張相都對唔住自己。奇異果、莓果、蘋果、椰奶、奇雅子的混合，見到啲女仔調得好細心，相信比例拿得準，味道相當香甜，奶味唔重，而且最特別就有一粒粒咬落奇雅子嘅口感。買多杯奶昔俾拍檔，日安燕麥蕉莓泥，聽個名都知道成份，成杯紫色，見得到唔同層次，係需要攪勻先飲嘅，拍檔話都好好飲。下次行過再試其他，因為真係幾好飲。