八方庭

營業中

休息中

放左工一班同事係八方庭食飯，4個人食5道菜，全部都好好味清哂碟。私房欖角骨🐖好味指數👅👅👅👅👅欖角骨大件又香口，香脆惹味，排骨炸到熱辣辣，肉多汁充滿油脂，甘香鬆化，好味絕不簡單，再加上香味十足欖角，絕對係好味加上好味，味道非常豐富。老壇酸菜魚🐟好味指數👅👅👅👅👅金黃色酸菜湯底絕不簡單，酸辣得來帶有魚片嘅味鮮甜味，和桂花清香味。呢大盤酸菜魚入邊有魚片，酸菜，大白菜，芽菜，冬菇和薯粉，薯粉晶瑩剔透，煙韌彈牙，魚片幼滑又冇骨，簡直係一級嘅滋味。鴛鴦水庫魚頭🐟好味指數👅👅👅👅👅呢一碟紅黃綠嘅就係水庫魚頭，佢用咗紅辣椒，小米朝和香蔥一齊蒸，魚頭吸晒辣椒嘅味道，又辣又惹味，好想用嚟配飯食。呢個魚頭有魚肉又有魚雲，真係一食兩味。脆米焗中蝦🦐好味指數👅👅👅👅呢個脆米焗中蝦即係蝦飯嘅概念，咪係炸過之後然後再去蒸焗，個飯特別香，蝦就夠鮮甜爽口。椒鹽九肚魚🐟好味指數👅👅👅👅又滑又柔軟入口溶化九肚魚，魚肉鮮甜嫩滑，九肚魚經過油炸，外脆內軟，九肚魚嘅味道比較清淡，但係面頭再灑上椒鹽粉，味道即刻提升。