影片
更多
2021-10-14
156 瀏覽
今次嚟將軍澳搵食，估唔到商場入面都有咁有昭和特色嘅居酒屋🏯。所謂的「昭和」，是指日本🇯🇵昭和天皇在位時所使用的年號，而「昭和」，則被視為「古早」氣息嘅懷舊代名詞。漁釧裝潢充滿日式漁村風情，牆上掛滿日本舊式鐵牌廣告及公司招牌，充斥住歷史同懷舊氣息，而且空間寬敞，非常舒服😇。-漁釧嘅特點係定期會有本鮪空運到店，並由日籍料理長親自操刀解魚🔪🗡，讓大家品嚐極鮮美味😀。所謂本鮪係眾多吞拿魚品種中，身價最昂貴、體形最大一種🤩！為左保持新鮮，無冷凍生劊本鮪套餐只會係解劊後做限期三日嘅套餐，真係機不可失☺️！-🔱無冷凍生劊本鮪套餐 每位 $398 ( 日本清酒配對🍶$168)-見到佢有清酒配對嘅選項真係即時雙目發光🤩！店家對sake非常講究，不同嘅菜式都配上對應嘅清酒🍶，比人感覺極度着重細節，鍾意飲酒嘅我當然唔會錯過！-⚜️前菜三點（吞拿魚蓉Tapas 酒盜芝士tapas 日式味噌雞肝醬tapas）單睇個名就已經感受到陣fusion味🤤。從賣相嚟睇，三款前菜都算係非常精美，紫蘇葉🍁作底，墊上餅乾再配上三種唔同嘅topping，由味道較淡嘅吞拿魚蓉食起，然後係味噌雞肝醬，最後係酒盜芝士🧀。「酒盜」芝士叫「酒
-
漁釧嘅特點係定期會有本鮪空運到店，並由日籍料理長親自操刀解魚🔪🗡，讓大家品嚐極鮮美味😀。所謂本鮪係眾多吞拿魚品種中，身價最昂貴、體形最大一種🤩！為左保持新鮮，無冷凍生劊本鮪套餐只會係解劊後做限期三日嘅套餐，真係機不可失☺️！
-
🔱無冷凍生劊本鮪套餐 每位 $398 ( 日本清酒配對🍶$168)
-
見到佢有清酒配對嘅選項真係即時雙目發光🤩！店家對sake非常講究，不同嘅菜式都配上對應嘅清酒🍶，比人感覺極度着重細節，鍾意飲酒嘅我當然唔會錯過！
-
⚜️前菜三點（吞拿魚蓉Tapas 酒盜芝士tapas 日式味噌雞肝醬tapas）
單睇個名就已經感受到陣fusion味🤤。從賣相嚟睇，三款前菜都算係非常精美，紫蘇葉🍁作底，墊上餅乾再配上三種唔同嘅topping，由味道較淡嘅吞拿魚蓉食起，然後係味噌雞肝醬，最後係酒盜芝士🧀。「酒盜」芝士叫「酒盜」嘅原因係因為佢太配酒🍶，濃郁嘅鹹鮮味以紫蘇中和，齒頰留香😋，令人不自覺飲多幾啖！
-
⚜️仁井田自然酒生酛純米原酒🍶
三點前菜配上呢枝sake。呢款自然純米原酒所用嘅稻米係無任何化學物同農藥✨。雖然呢枝sake都有16.5%，但佢芳醇嘅香氣，溫和嘅口感，完全無平時飲sake空有酒精味嘅不適，順口非常🤤。
⚜️炙燒舌拿魚沙律
店家以炙燒方式逼出吞拿魚嘅油脂🔥，未上枱已經聞到香味，望見之際更被吞拿魚吸引到眼球👀，平時三文魚沙律食得多，估唔到吞拿魚嘅鮮都可以別具一格，算係食完較重口味嘅前菜嘅一個緩衝。
⚜️本鮪刺身三點 本鮪壽司三點 火炙赤身壽司
不得不說，平時食赤身都唔係好感受到箇中鮮味🥲，反而酸味更為突出。但係漁釧嘅本鮪刺身好出色，可能係解劊咗無耐，總算感受到吞拿魚赤身嘅鮮味🥰，雖然唔係澎湃油香，但淡鮮流溢，都係一番風味😋。大拖羅唔洗多講，酒脂豐富，入口即化，配上一口sake，滿足非常。而火炙赤身壽司同樣香氣味道俱全☺️。
-
⚜️石鎚糟搾純米大吟釀🍶
石鎚酒造位於西日本最高峰石鎚山下，以「名水之町」聞名的愛媛縣西条市。呢款酒更係2019日本航空頭等艙用酒😲，酒精度同第一枝相似，有17%，但佢呈現出較為濃郁嘅米香☺️，加上些許蘋果🍎香氣以及酸度，豪氣橫溢。
⚜️大蜆味噌湯🌊
味噌湯除左大蜆之外，仲灑上一小撮香蔥，比起一般鹹味主導，進食大蜆時增添左一番海水鮮味🌊。店家選擇係壽司後出湯，仿佛為下一次高潮作鋪墊，甚具巧思👍🏻。
⚜️吉列鮑魚串🍢
令人驚喜非常嘅一道菜。店家於海鮮炸物嘅時間把控得非常好🤩，飽魚爽口軟糯，咬起嚟毫不費勁☺️，而外層嘅炸漿香、薄、脆三者兼備，即使唔配沙律醬已經味道豐富😋😋。
-
⚜️空藏山田錦 生原酒純米‧大吟釀🍶
進食較為重口味嘅食物，店家配上一枝濃郁嘅sake。此酒使用左「酒米之王」的兵庫縣產大米「山田錦」，有豐富嘅蘋果香氣🍎，雖然入口較為辛烈🥵，但餘韻悠長，酒香徐徐釋放🤤，將餐宴嘅味覺體驗推至高峰，一口炸物，一口sake，談笑風生，甚為美好🥰。
⚜️吞拿魚蓉丼
套餐食到呢一刻，其實都已經差唔多飽，店家選擇以份量適中嘅吞拿魚蓉丼作為主餐作結😚。吞拿魚蓉丼灑上芝麻同青蔥，淋上豉油，細味住吞拿魚嘅油香同醋飯嘅鮮美和諧😇。一口接一口，滿足咁食飽。
⚜️柚子味雪葩🍨
以柚子嘅酸甜為口腔帶嚟一股清新☺️，冰涼❄️嘅觸感使人為之一振。酸甜適中，以上劃上完美句號。
-
⚜️京姬柚子檸檬酒🍋
用7個完熟柚子，2個檸檬🍋嘅鮮味釀製而成嘅果酒，酒精度只有7%，但果汁度卻有28%😲，淡淡嘅酒感，豐富嘅果香，悠然地完結今日嘅體驗🥰😋。
張貼
