至尊滿屋日本料理 (已結業)

好耐冇食放題 ,今日黎到瓊華中心嘅至尊滿屋 , 食物同飲品有好多選擇 !飲品除左一般嘅茶品 , 果汁, 仲有果汁酒 , 啤酒 (有Asahi 🤓) , 清酒 , 梅酒 ! 啱曬愛酒人士 !! 🍻🍻最驚喜嘅係有清酒任飲 , 可以揀熱或凍 , 平時好少飲清酒 , 呢款清酒嗆喉得嚟又幾易入口 , 唔錯唔錯 !刺身方面 , 個人推介帶子 , 雖然唔係好大粒 , 但係鮮甜 ! 油甘魚都 encore 咗好多次 🤤🤤壽司方便 , 中拖羅 , 迷你版海膽手卷可以一試 , 但未有驚喜 , 叫咗幾款卷物都唔錯 天婦羅蝦夠曬大隻同熱辣辣 , 但略嫌炸漿有啲厚 , 蘆筍天婦羅好食 !榴槤炸彈好流心 , 榴槤味濃 ! 鐵板雪花牛柳粒 , 比目魚 , 泰式生蝦都唔錯 ! 馬拉盞炒芥蘭苗太鹹 😵燒物 : 鹽燒牛舌 , 芝麻雞翼好好食 ! 羊架偏重孜然味 ! 鹽燒海蝦 , 燒菠蘿質素正常 !本來想試埋鍋物, 不過真係太飽喇 🤣 甜品 / 水果方面有豆腐花 , 西瓜 , 哈密瓜同埋一口糕點 , 每款都係細細件 , 可以一次過試曬咁多款 !試咗香芋奶凍 , 嗰隻香芋味就好似平時食香芋雪糕個隻味 , 奶凍質感都唔錯 !