鳳鳴居

營業中

休息中

今日又約咗朋友去舊墟食嘢， 我哋呢次嚟到食鳳鳴居， 因為唔想食飯類嘅嘢，所以最後就揀咗黎食麵。 鳳鳴居嘅位置並唔難搵，唔使一陣間就搵到。店內都幾闊落，所以都坐得幾舒服。 有時中午唔想食譚仔，都可以嚟呢度食下，因為鳳鳴居嘅價錢正常，味道都唔錯。我同朋友分別叫咗兩個自選麵類，大概40蚊到。 我食嘅係清雞湯底，我朋友叫咗蕃茄湯底，個人認為呢兩個湯底幾好，食落唔似落咗好多味精，味道都唔錯。 豬軟骨都幾好食，可惜分量就有啲少。 總括嚟講， 鳳鳴居值得試下嘅!