碗盛 (已結業)

朋友同我都鍾食日本野，今日就去到清風街居酒屋「碗盛」開餐餐廳裝修以和式設計，內部坐位唔算多，有二人為主嘅bar枱、可坐四人卡位，還有一間以榻榻米坐席嘅房間食物選擇多，有沙律、串燒、天婦羅、炸物、板燒、日式小食、拉麵、飯等魷魚薯蓉沙律魷魚新鮮脆口，溏心蛋咸咸地帶蛋香，青瓜爽脆，薯蓉入口綿密，清爽前菜日式串燒，除食材好之外，醬汁調配都非常重要厚厚牛舌軟嫩彈牙，雞翼香脆肉滑，配以黃芥末微酸，令炭燒過的香味更突出白鱔鮮嫩、五花腩油脂清晰，就簡單配以檸檬汁，可減低油膩感，又可帶出白鱔鮮甜免治雞肉棒配醬油加蛋黃免治雞肉棒，配上蛋黃、醬油打勻做成的醬汁，甜甜咸咸又帶蛋香，配搭特別，又好好食芝士年糕，以香脆紫菜包嚟食，口感脆口軟糯，層次豐富明太子汁蛋卷入口先食到明太子咸香味，加上面層微微燒香、嫩滑口感嘅玉子，真係好好食（鍾意食日式玉子的人，一定要試）炸蠔炸蠔香脆，入口蠔味清甜，蘸上特別調配沙律醬，超惹味雜錦天婦羅蝦、冬菇、南瓜、茄子、蕃薯，配以薄薄天婦羅粉漿，清爽唔油膩，尤其南瓜🎃、蕃薯天婦羅，甜甜地，非常好食😋