聆渢咖啡廳

營業中

休息中

一向係黃金海岸自助餐捧場客，因為食物種類繁多，環境舒適。鑑於疫情，久未光顧。近日疫情緩和，立即網上預約，見主題吸引，做和牛龍蝦，而且預約爆滿，所以好期待。但到場發現食物種類比以前減近一半。而且質素一般，特別是熱盤，甜豆炒帶子，甜豆是老的，牛肉餃子、薯餅是不太熱及硬的。加上全部由員工分發，難以選擇自己喜愛嘅食物同份量。而每位客人送半隻凍嘅龍蝦，亦唔見有吸引。我明白疫情下要保障顧客安全，所以改為員工分發食物，用咗不少資源，而無法提供多啲唔同種類的食物。但減少種類就要提升食物質素，如果真係貴精不貴多，相信顧客係可以接受嘅。唯一要讚嘅係員工，大熱天時在戶外執拾，照顧客人需要，大汗淋漓，但仍然彬彬有禮，服務周到。如果無任何改善，相信唔會再光顧。