影片
更多
2023-04-17
677 瀏覽
當減醣唔食澱粉質，又要多菜嘅時候，真係每次出街食飯就係一個難題，要搵一間合適嘅餐廳真係唔易🤦🏻♀️一早知道要落葵芳附近工作，所以就搵定呢邊有咩可以啱食最尾，揀左呢度解決左我午餐嘅需要入到餐廳自己搵位，枱上面有QRcode ，可以自行落單（要即刻過俾錢）或者收銀位排隊落單都可以平日1100-1800會有set, 1400-1800仲有下午茶添揀呢度開飯就係貪佢有沙律，唔一定要意粉同pizza 午巿套餐連飲品+沙律/蒜蓉包最後點左慢煮雞胸沙律配芒果乳酪餐（配沙律及熱美式咖啡）$68 （無加一）賣相唔錯，同落單時照片唔會有落差套餐跟嘅沙律菜，同主菜嘅沙律菜係一樣，無分別嘅，只係份量唔同，菜都新鮮，沙律醬汁仲可以自由決定多醬/少醬/走醬，都好方便QRcode 落單人士👍🏻雞胸份量都多，夠晒蛋白質有時自己煮/出街食雞胸最怕就係好‘鞋’， 真係會無晒胃口，會以為自己食緊紙皮😂雖則餐牌有加‘慢煮’兩個字喺雞胸肉前面，但始終都要有個心理準備，預左佢會好鞋，未入咬得開，無期望就無失望喺無咩期望之下，食落去又ok喎，唔會覺得自己食緊紙皮，唔鞋易入口，當然一定唔會似食雞脾肉嘅嫩滑啦呢個質素，收貨無問題，如果
當減醣唔食澱粉質，又要多菜嘅時候，真係每次出街食飯就係一個難題，要搵一間合適嘅餐廳真係唔易🤦🏻♀️
一早知道要落葵芳附近工作，所以就搵定呢邊有咩可以啱食
最尾，揀左呢度解決左我午餐嘅需要
入到餐廳自己搵位，枱上面有QRcode ，可以自行落單（要即刻過俾錢）或者收銀位排隊落單都可以
平日1100-1800會有set, 1400-1800仲有下午茶添
揀呢度開飯就係貪佢有沙律，唔一定要意粉同pizza
午巿套餐連飲品+沙律/蒜蓉包
最後點左慢煮雞胸沙律配芒果乳酪餐（配沙律及熱美式咖啡）$68 （無加一）
慢煮雞胸沙律配芒果乳酪餐
$68
26 瀏覽
0 讚好
0 留言
賣相唔錯，同落單時照片唔會有落差
套餐跟嘅沙律菜，同主菜嘅沙律菜係一樣，無分別嘅，只係份量唔同，菜都新鮮，沙律醬汁仲可以自由決定多醬/少醬/走醬，都好方便QRcode 落單人士👍🏻
雞胸份量都多，夠晒蛋白質
有時自己煮/出街食雞胸最怕就係好‘鞋’， 真係會無晒胃口，會以為自己食緊紙皮😂
雖則餐牌有加‘慢煮’兩個字喺雞胸肉前面，但始終都要有個心理準備，預左佢會好鞋，未入咬得開，無期望就無失望
喺無咩期望之下，食落去又ok喎，唔會覺得自己食緊紙皮，唔鞋易入口，當然一定唔會似食雞脾肉嘅嫩滑啦
呢個質素，收貨無問題，如果沙律菜份量可以再多少少就更加好🤭
以後又多一個外出開飯嘅選擇👍🏻
張貼
