影片
更多
2018-11-13
55 瀏覽
今日同仔仔去鐵路博物館，順便嚟大埔覓食，醒起之前睇過嘅一間米線小店，佢地嘅重慶麵食同川式小食都相當之出色，嚟到門口見小店門面光鮮企理，唔講仲以為係食日本拉麵嘅添，需知道米線小店通常都會邋遢啲，眼見呢度咁四正，一於就入嚟試吓。杯裝豆漿，豆漿香濃嘅豆味同冰涼嘅溫度正好緩和稍後食物嘅辣度，由於有部份項目揀選咗大辣，要威，必先要戴好頭盔。麻辣手撕雞，手撕雞略有咬口，正好俾個機會辣油同口腔有更持久嘅衝擊，辣度選擇咗大辣，香辣程度令人好驚艷！ 老麻紅油抄手，抄手餡料有份量，比起其他餐廳嘅抄手更加大粒，抄手嘅外皮滑溜，雪一聲將成粒抄手滑入口裏面，爽皮；喺香辣之餘亦帶有麻油嘅香味，令整個食感更見層次。蒜泥白肉，白肉特登揀左小辣，好讓蒜蓉嘅香味更加能夠與舌頭纏綿，白肉選料唔會話好肥，係我至鍾意嘅三分肥，七分瘦，既能保持口感嘅豐膄，亦都喺肉味上面取得平衡，味道鹹香且帶濃重爽辣蒜香味，美妙。渝港擔擔麵，辣椒油係重慶小麵嘅靈魂，亦係重慶麵食嘅精華所在；擔擔麵湯面紅油同乾辣椒辣得刺激，麵條幼身令掛湯能力更高，麵質亦相當特別，煙韌得嚟又有少少彈牙，口感係介乎喺日式拉麵同埋上海麵之間，個人十分喜歡呢個麵質嘅口感，整
今日同仔仔去鐵路博物館，順便嚟大埔覓食，醒起之前睇過嘅一間米線小店，佢地嘅重慶麵食同川式小食都相當之出色，嚟到門口見小店門面光鮮企理，唔講仲以為係食日本拉麵嘅添，需知道米線小店通常都會邋遢啲，眼見呢度咁四正，一於就入嚟試吓。
杯裝豆漿，豆漿香濃嘅豆味同冰涼嘅溫度正好緩和稍後食物嘅辣度，由於有部份項目揀選咗大辣，要威，必先要戴好頭盔。
麻辣手撕雞，手撕雞略有咬口，正好俾個機會辣油同口腔有更持久嘅衝擊，辣度選擇咗大辣，香辣程度令人好驚艷！
老麻紅油抄手，抄手餡料有份量，比起其他餐廳嘅抄手更加大粒，抄手嘅外皮滑溜，雪一聲將成粒抄手滑入口裏面，爽皮；喺香辣之餘亦帶有麻油嘅香味，令整個食感更見層次。
蒜泥白肉，白肉特登揀左小辣，好讓蒜蓉嘅香味更加能夠與舌頭纏綿，白肉選料唔會話好肥，係我至鍾意嘅三分肥，七分瘦，既能保持口感嘅豐膄，亦都喺肉味上面取得平衡，味道鹹香且帶濃重爽辣蒜香味，美妙。
渝港擔擔麵，辣椒油係重慶小麵嘅靈魂，亦係重慶麵食嘅精華所在；擔擔麵湯面紅油同乾辣椒辣得刺激，麵條幼身令掛湯能力更高，麵質亦相當特別，煙韌得嚟又有少少彈牙，口感係介乎喺日式拉麵同埋上海麵之間，個人十分喜歡呢個麵質嘅口感，整體上傾向忠於重慶嘅模式味道，但係亦都照顧咗本地人客嘅口味，分咗大中小微辣同埋清湯，完美演繹咗菜式嘅名稱 - 渝 • 港擔擔麵。
燃情刀削麵，聽聞餐廳集合咗十幾款辣椒同埋自家香料炮製，令食客嘅舌頭「燃燒」起嚟。刀削麵嘅麵質比坊間偏向腍身，啱哂鍾意食腍麵嘅朋友，面頭有大量蔥花炸醬同埋比較少川渝麵店用到嘅花生碎，炸醬惹味，味道初初主要由花生同埋炸醬作主導，後勁愈食愈辣，鐘意食辣嘅朋友絕對不容錯過。
紅糖冰粉，最尾到呢一個必點嘅項目，必點嘅原因係因為唔係咁多川渝店有得食呢一個正宗嘅川式甜品，啫喱狀嘅冰粉係由植物種子製作而成，感覺健康低卡，加上山楂乾同提子乾提升口感，食完辣嘢食返個軟滑冰凍嘅紅糖冰粉真係好正！
席間聽住帶有濃厚口音嘅老闆既熱情待客，亦不忘同食客侃侃而談，道出自家調配辣油香而不死辣嘅特色，食外省嘢有啲口音聽吓，感覺係正宗啲嘅。
張貼
