沙灘咖啡廳

營業中

休息中

難得放假，就走咗入大尾督嘆下午茶，今次嚟到一轉彎入去泊車嘅第一間餐廳，叫做Beach Cafe，假期真係特別多單車友，同埋頓時覺得大尾篤好旺好熱鬧，同平日爭好遠。呢間餐廳嘅好處係泊車方便，因為門口個姐姐會幫你擺啲椅喺度，擺住啲車位。當你要喺呢間餐廳用餐嘅時候，佢就會搵個位俾你泊，我哋新可以拍喺門口，而且我哋坐門口最出個張枱，可以望到架車，又可以欣賞咁靚嘅風景。下午茶套餐方面有大約10幾款選擇，有意粉系列同埋小食系列。我哋兩個人就揀咗一份三文魚沙律，同埋炸魚手指配薯條，套餐中包一杯野飲都係大約四十幾，＄50左右。沙律賣相好吸引，三文魚變咗玫瑰花，沙律菜都有好多款，不過啲汁就太多，感覺總是酸酸的，可能我唔太鍾意酸野，呢啲都係個人喜好。炸魚手指有三條，炸得好香口，而且食落好滋味，薯條就放喺底部，但係我反而覺得薯條仲好食過魚手指，佢啲炸薯條好新鮮，即刻炸，而且熱辣辣，搞到我食唔停口，最後梗係清晒啦。飲品方面我就叫咗杯熱朱古力，杯熱朱古力都好有心思，朱古力面頭拉咗花，原來係花圖案，好靚呀，搞到我唔捨得飲呀。整體來講呢間餐廳可以值得再試，之前都係試過食lunch同埋食下午茶，下次可以過嚟食晚餐。