荷華庭園景餐廳 (已結業)

林村許願樹除左村口d餐廳，行入少少仲有間裝修充滿渡假舒適既餐廳，入餐廳前會經小橋漁池，餐廳好大，有室外同室內，除左主餐廳外，側面仲有幾間獨立既屋仔，如果人多都可以包房用餐。室外環境都佈置得好舒適寫意，打卡一流。👍🏻🤣🤣鵝肝醬焗豬扒飯$198豬扒既處理岩岩好肉質鬆軟，而且唔乾身，外皮炸得好鬆化，再加上濃濃既鵝肝醬味道更佳。另外豬扒飯配左炒飯底，炒飯炒得夠干身，配埋鵝肝醬食味道岩岩好。燒美國安格斯肉眼扒8oz$298我地要左7成熟的肉眼扒，切開時見到肉質好鮮嫩，加上啲肉味又夠，真係好好食！每一啖都好juicy，令到口感同肚都好滿足！因為係set lunch ，套餐仲包小食同餐飲。而小食我地揀左湯，兩款湯都好足料。因份量十分足夠，所以都未有機會試埋甜品。