影片
更多
2021-07-25
3515 瀏覽
聽過温野菜嗰名好耐，不過從來都未試過，今日想食壽喜燒就黎試下先，香港可以食壽喜燒嘅地方始終都唔係多。餐牌選擇好似唔多，有幾款定食揀，價錢有正常價有高價，都唔多似飽肚。不過亦有飽肚啲嘅雜炊揀。壽喜燒定食 $398 另加一壽喜燒定食好似包好多野，不過其實份量好少。主角肉類有兩款，分別係鹿兒島茶美豚梅肉，另外可以揀米澤牛黑毛和牛肩脊肉，或者長崎黑毛和牛肉眼，我哋揀左米澤牛黑毛和牛肩脊肉。仲包一個野菜盤，烏冬一碗，同生蛋一隻。上完菜之後，服務員問洗唔洗幫手起鍋，我哋梗係照殺。服務員先將油脂喺個鍋度淥一淥，然後幫手將啲蔬菜順次序放落個鍋度，再加入壽喜燒湯，等個鍋滾起之後就由你自己整肉食。鹿兒島茶美豚梅肉，米澤牛黑毛和牛肩脊肉鹿兒島茶美豚梅肉，同米澤牛黑毛和牛肩脊肉，每款四塊，放喺同一隻碟一齊上，有紙條寫明係乜肉。鹿兒島茶美豚梅肉規定左喺個餐度冇得揀，好韌，唔係好得。米澤牛黑毛和牛肩脊肉切到超薄片，冇乜質地可言，證明塊牛一定係好貴，牛味都算濃嘅。野菜盤有旺菜，京蔥，大根片，紅芯大根片，啡金菇，冬菇兩大隻，春菊，同葛絲。野菜質素參差，旺菜好韌；京蔥外皮又係例牌韌；啡金菇吸左壽喜燒湯，好味；冬菇好新鮮
餐牌選擇好似唔多，有幾款定食揀，價錢有正常價有高價，都唔多似飽肚。不過亦有飽肚啲嘅雜炊揀。
壽喜燒定食 $398 另加一
壽喜燒定食好似包好多野，不過其實份量好少。主角肉類有兩款，分別係鹿兒島茶美豚梅肉，另外可以揀米澤牛黑毛和牛肩脊肉，或者長崎黑毛和牛肉眼，我哋揀左米澤牛黑毛和牛肩脊肉。仲包一個野菜盤，烏冬一碗，同生蛋一隻。
野菜
38 瀏覽
1 讚好
0 留言
上完菜之後，服務員問洗唔洗幫手起鍋，我哋梗係照殺。服務員先將油脂喺個鍋度淥一淥，然後幫手將啲蔬菜順次序放落個鍋度，再加入壽喜燒湯，等個鍋滾起之後就由你自己整肉食。
野菜
45 瀏覽
1 讚好
0 留言
鹿兒島茶美豚梅肉，米澤牛黑毛和牛肩脊肉
鹿兒島茶美豚梅肉，米澤牛黑毛和牛肩脊肉
71 瀏覽
0 讚好
0 留言
鹿兒島茶美豚梅肉，同米澤牛黑毛和牛肩脊肉，每款四塊，放喺同一隻碟一齊上，有紙條寫明係乜肉。鹿兒島茶美豚梅肉規定左喺個餐度冇得揀，好韌，唔係好得。米澤牛黑毛和牛肩脊肉切到超薄片，冇乜質地可言，證明塊牛一定係好貴，牛味都算濃嘅。
野菜
51 瀏覽
1 讚好
0 留言
野菜盤有旺菜，京蔥，大根片，紅芯大根片，啡金菇，冬菇兩大隻，春菊，同葛絲。野菜質素參差，旺菜好韌；京蔥外皮又係例牌韌；啡金菇吸左壽喜燒湯，好味；冬菇好新鮮同埋菇味好香；春菊好脆綠；葛絲滑溜煙韌。
生蛋，烏冬
51 瀏覽
0 讚好
0 留言
烏冬好稔，冇嚼勁。生蛋係壽喜燒嘅靈魂之一，隻生蛋好香，牛肉沾上蛋汁令到塊肉更滑而壽喜燒湯嘅味道又淡返少少，仲可以降低温度等塊肉易啲入口。
壽喜燒湯味道唔錯，少少甜而豉油味香濃，無論配肉類定蔬菜都好正，不過第一輪之後服務員加左壽喜燒湯就溝淡左，味道差天共地，要特別要求加濃啲嘅壽喜燒汁先得。
跟餐可追加三款肉類，價錢打8折，份量全部都係四塊薄切。
英國安格斯牛肋肉
$79
26 瀏覽
0 讚好
0 留言
英國安格斯牛肋肉 $79.2 另加一
英國安格斯牛肋肉雖然牛味唔算濃，不過好嫩滑。
丹麥豚梅肉
$34
36 瀏覽
0 讚好
0 留言
丹麥豚梅肉 $33.6 另加一
丹麥豚梅肉豬味好濃而好嫩滑，少有。
新潟雞爽肉
$39
42 瀏覽
0 讚好
0 留言
新潟雞爽肉 $39.2 另加一
新潟雞爽肉非常嫩滑又爽爽哋。
究極之盛合
$388
30 瀏覽
0 讚好
0 留言
究極之盛合 $388 另加一
另外叫左個究極之盛合，包四款肉類，每款兩塊。
鹿兒島黑毛和牛肩脊肉無乜味，可能因為個壽喜鍋已經溝淡咗。
澳洲M9和牛肩脊肉：唔知點解質感碎碎地，不過個壽喜燒鍋加返濃啲就好味好多。
長崎黑毛和牛肉眼相比之下嫩滑好多。
長崎黑毛和牛西冷：雖然有少少筋，不過都嫩滑。
另外叫左兩份蔬菜，每份嘅份量係一小碟。
山葵菜
$35
16 瀏覽
1 讚好
0 留言
山葵菜 $35 另加一
山葵菜超韌。
白舞茸
$38
20 瀏覽
1 讚好
0 留言
白舞茸 $38 另加一
白舞茸脆而稔，好新鮮。
總括而言，肉類質素係高嘅，可惜全部超薄切，毫無質感，收得呢個價錢，又好似離譜左少少。服務係中上，可惜服務員太忙，加茶加水都冇時間，隻茶杯長期空。今次霸到四人卡位，要跨過少少腳欄入去坐，私隱度高。今餐叫左貴夾唔飽嘅野食，食完即刻要食下午茶。
張貼
