影片
更多
2020-12-08
1342 瀏覽
Hk restaurant week太多餐廳，太多菜式。左揀右揀訂位食個生日飯，最後揀咗呢間黃店，有米芝蓮嘅西餐廳。我去到嘅時候我都未夠7點，暫時未見好多客！有一樣野唔係咁好就係都我地兩個坐咗喺度之後，侍應係唔會專登過嚟俾杯水我。佢係等我呀消費嗌嘢飲！但係其他客人佢哋係好主動去提供白開水嘅！望下餐牌有咩食都知道睇得唔清楚㗎啦，所以放大咗，俾你望清楚少少！由於我是事訂咗位，基本上一坐低就係影相等食飯。一個價錢，每位$398，已經有晒前菜/頭盤/甜品，最重要係唔使我再揀食咩，又可以試多幾款。牛肉他他：賣相係好靚呀！但係唔知點解同平時出面食嗰啲有少少唔同，有啲青椒係入邊。唔係唔好食，但係就唔啱我食！燒魷魚鬚：當然佢本身個名係靚啲，但係我真係唔記得咗佢中文譯名係乜嘢。咁我依家簡化咗。呢碟菜我覺得個配菜同個醬汁做得比較出色，條魷魚鬚笑得有少少硬。主菜沖繩豬肉真係好煙韌好滑。我相信唔鍾意食豬嘅人都會好欣賞，再加上個薯蓉好似個滑蛋咁滑，真係好好食！呢啲真係要讚！燒鱸魚：冇乜嘢可以講，一般般！唔可以再用咩形容詞去形容，唔好意思！甜品：岩鹽焦糖椰子雪糕配香蕉，及自家製蜂窩。再配上餐廳自家手寫祝福生日
有一樣野唔係咁好就係都我地兩個坐咗喺度之後，侍應係唔會專登過嚟俾杯水我。佢係等我呀消費嗌嘢飲！但係其他客人佢哋係好主動去提供白開水嘅！
望下餐牌有咩食
都知道睇得唔清楚㗎啦，所以放大咗，俾你望清楚少少！
由於我是事訂咗位，基本上一坐低就係影相等食飯。一個價錢，每位$398，已經有晒前菜/頭盤/甜品，最重要係唔使我再揀食咩，又可以試多幾款。
牛肉他他：賣相係好靚呀！但係唔知點解同平時出面食嗰啲有少少唔同，有啲青椒係入邊。唔係唔好食，但係就唔啱我食！
燒魷魚鬚：當然佢本身個名係靚啲，但係我真係唔記得咗佢中文譯名係乜嘢。咁我依家簡化咗。呢碟菜我覺得個配菜同個醬汁做得比較出色，條魷魚鬚笑得有少少硬。
主菜沖繩豬肉真係好煙韌好滑。我相信唔鍾意食豬嘅人都會好欣賞，再加上個薯蓉好似個滑蛋咁滑，真係好好食！呢啲真係要讚！
燒鱸魚：冇乜嘢可以講，一般般！唔可以再用咩形容詞去形容，唔好意思！
甜品：岩鹽焦糖椰子雪糕配香蕉，及自家製蜂窩。再配上餐廳自家手寫祝福生日卡，真係好窩心！
呢份食評係我偷懶隔咗個幾月先寫，所以睇完，又諗住去食呢個餐嘅話呢就唔好意思啦！要等下次啦！張貼
