南대門3號

營業中

休息中

尖沙咀金巴利道嘅韓國餐廳林立，呢一間南大門三號開業多年，我大學時代已經有嚟食過啦😁前菜都幾啱胃口，芽菜好香麻油味😋好耐無食過呢種韓式鐵板飯餐啦！平時出街食多數都係食豬牛雞🥩所以今次揀咗🐙鐵板辣炒八爪魚蓋飯($108)八爪魚幾有嚼勁，但因為佢切到細細粒，撈埋翠玉瓜粒、蘿蔔絲、洋蔥一齊食，口感都平衡得唔錯😛醬汁就微辣偏甜～我唔算食得辣都接受到，如果鍾意食辣嘅朋友可以再加辣醬🌶餐廳裝修好有家居小店嘅感覺，兩邊圍牆身嘅裝飾分別係兔仔同埋小王子，都係我鍾意嘅圖案♥️店員都幾友善，臨走嗰時企喺門口招待嘅韓國叔叔仲向我派心，好cute😆