安安燒 (鯉景大廈) (已結業)

前幾日忽然興起好想食串燒，但係日式串燒又食到爛晒，同埋好懷念以前係Sydney China night食既「孜然羊肉串」味道，所以就上黎搵下，點知搵到幾年前食過既川式串燒 - 旺角安安燒！但因為無位咁岩又知道筲箕灣有，就立即訂座！川式串燒大家可能會諗到淨㡳火孜然味道或者麻辣，但係呢家安安燒加入左好多港式味道原素，例如沙律醬燒蟹棒、蒜蓉牛油燒金菇等。另外，食物可以保持到水準並唔容易，特別係開左分店！我可以係分店食得到返總店既味道，所以不得不大力推！加上本土小店要特別支持👍🏻!我地兩人都算叫左好多野，但重點就係以下幾款！但記得食完要飲多d水先講野🤣因為好多蒜味🤣呢個惹味蒜蓉生燒茄子🍆well! 簡單直接講我地食到停唔到！大量蒜蓉加入孜然粉生燒🤭另外，有惹味蜜糖燒雞中翼，可能大家會覺得無乜特別，但係鬧市食到BBQ蜜糖燒雞翼風味就唔太容易。仲有一個一定要推就係-黑松露菌醬三重芝士撈丁！佢係邪惡既代表！但因為我地食到最後先加單，所以完成唔到不過有一點要留意，餐廳食物出得好快，如果未齊人可以等齊人先落單！最後我地埋單，人均$200！係呢個時候真係價錢合理！