古早味台灣原味 (已結業)

晚上約左友人到佢返工附近食飯，由佢帶路共我去食好西，佢就帶左我去sogo後街食樓上鋪台灣菜，一入門口幾有特色由中間一條走廊入店。餐牌好多種類選擇完全令選擇困難症既朋友好難決擇，係銅鑼灣地區黎講價錢親民抵食。酥炸鹽酥雞扒外層既脆皮鬆脆而不膩雞扒唔算太厚但炸完唔會雞肉同炸皮分離。炸花枝丸外面有少少油膩但咬咬十分彈牙。蚵仔煎好足份量蠔仔每一隻大粒得黎又飽滿，味道唔腥但未算十分鮮甜，蛋漿痴住蠔仔加添蛋香蚵仔煎質感既地瓜粉煙靭。牛肋牛肉麵牛肉湯底帶少少藥材味香濃，牛肉同牛筋唔靭，牛肉麵既麵底十分欣賞，厚闊得黎十分彈牙。珍珠奶茶內珍珠唔會外熟內硬，全熟得黎又唔會太淋，茶味相對無咁突出奶味較多。荔枝烏龍茶打出茶泡係面層，飲落唔會太甜荔枝味重。