茶記冰室 (已結業)

港味茶記晚上係附近做完野就搵間冰室食個dinner醫醫肚，因為冰室兩個字而吸引我地入去食。裝修新淨企理，有好多港式野食。我地點了枝竹羊腩煲，豉油雞及蝦仁炒蛋。枝竹羊腩煲半份都好大份，足料，有十幾舊羊腩、枝竹、冬菇、馬蹄、香蔥等等，好香又入味！ 羊腩大件，軟身同入味，沒有膻味，連腐乳點來食，不錯。枝竹同冬菇都好吸汁，冬菇厚身，吸得仲多羊腩汁。連送生菜黎碌，補充纖維健康d。豉油雞成隻豉油色以為好咸，但吾會，反而雞肉嫩滑，帶鮮味，雞肉索晒d甜豉油，好食。蝦仁炒蛋蛋炒得剛剛好，不是坐熟，所以好滑，蝦仁好大舊，口感好又爽口，份量仲好大碟。餐飲叫左杯熱檸水同凍鴛鴦。