港嘢食堂 (已結業)

相信有唔少朋友去九龍灣國際展貿中心 (簡稱九展)既原因，除左返工既關係，相信都會係為左睇車﹑睇戲同睇表演。以小編既經歷過往既九展食肆既數量真係少得可憐，結果每次睇完表演都要捱肚返去九龍灣站附近既食肆；但近年九展將地面及2樓樓層都改為食肆層，並引入唔同地區既料理，令整個場地響有演出既日子都方便聚集更多人流。因為欣賞演出關係，小編都趁演出前醫定肚先! 經過港嘢食堂見到都有中式既雞類食品，以及類似鐵板飯既菜式，而價錢都係介乎於$50-70比較合理既價錢下，就梗係試試先啦。今次小編就試左無骨麻辣口水雞飯。本身口水雞飯已經包左油飯及例湯﹑而配一般既熱飲就加3蚊。一上枱最令小編深刻就係碗冬瓜粒既例湯，冬瓜粒全部都係切成粒狀，方便入口；而且冬瓜都煲得好淋，所以響大熱天時作為消暑既湯絕對係好選擇。至於口水雞方面，除非佢以雞脾或雞翼去出餐，否則口水雞真係全部已經去骨，雞肉凍凍地但肉質非常滑，所以伴隨油飯一齊食既感覺都幾好。不過如果想追求辣或者麻味既朋友，可能就會比較失望，因為口水雞既醬汁唔算令你既味蕾有太大既刺激。但綜觀黎講份量十足，都算唔錯既。$69+$3既價錢雖然唔算平，但如果整餐計有飯有湯有飲品，