SP Flower & Tea Room (尖沙咀中心) (已結業)

想同朋友傾計都係去Cafe居多 去次呢間睇落好fancy用花同茶做主題嘅餐廳🤣餐廳唔近尖沙咀 係近尖東帝苑 所以唔算方便💁🏻‍♀️去到入面環境唔錯 坐得舒服 幾新淨 靠牆嘅位仲可以影靚相 有啲花做background係幾靚🤣我嗌左dinner set 沙律正常 個番茄湯值得一讚 好濃！叫咗個和風北海道帶子櫻花蝦味噌燉飯 味道幾特別 出面食唔到呢隻味 飯嘅軟硬度適中 帶子都好新鮮 但略嫌有啲Overpriced🤭相信呢度嘅甜品比較出色 套餐加咗個鮮莓荔枝玫瑰汁班戟 有驚喜！ Pancake有少少蛋香 個玫瑰荔枝紅莓汁較得啱啱好香味齊又唔會過甜 配埋個sorbet同莓一齊食非常夾！🤤見到呢度嘅其他甜品好似窩夫同蛋糕都好吸引下次可以試吓🤨總括黎講 我覺得呢度嘅正餐性價比就唔高 但係試吓甜品或者食下tea set都唔錯😆