榮式燒雞扒

營業中

休息中

香港地乜都貴過人，想係港島區搵間好味又經濟既地方食個飯都好似難過登天，好彩灣仔都仲有沙漠中的最後一片綠洲「榮式燒雞扒」。同男朋友係平日晚上七點幾黎，完全唔駛排隊一到就有位啦。呢間野真係好神奇，雞扒，一樣平平無奇既食材，平時係屋企成日都食，但呢到就係有佢獨特既方法整得好好味，醃既味道好，厚薄同香脆程度適中。重點！佢配既薑蔥同醃菜完全係成個飯既亮點，其實就咁用啲薑蔥同醃菜撈飯都已經可以做一個主菜。最最最緊要係，價錢合理！話好平呢就唔算好平，但計返港島區，咁既價錢又整得好味，成件事就變得好合理啦。