哈比斯燒肉串和咖哩 (利景閣)

營業中

休息中

其實經過幾次呢間土耳其卷小店，知道每日都會有指定嘅kebabs 會做優惠！當日指定嘅卷物就係$36全日供應！聽落去非常吸引！而且佢哋個份量大小都唔簡單，超過八吋長嘅土耳其卷物！裏面包滿咗豐富嘅材料！今日星期三係我最鍾意嘅牛肉卷物做優惠！都係$36，如果平時想食嘅話就要$70呀差唔多係半價咁平！即刻打開黎食仲好熱辣辣！即order即刻製真係非常之新鮮！而且裏面嘅牛肉非常之多，牛肉味道重好香濃！同平時食嘅牛肉唔一樣，特別有風味配埋入邊嘅醬汁同沙律菜一齊食非常之開胃又飽肚！ 簡簡單單一個牛肉卷物，冇諗過可以咁好味，而且呢個價錢真係好抵！