第一郡 (已結業)

同女朋友行完工展會，亂咁行就嚟咗呢條街！原來成條街都係嘢食嚟㗎！就去咗食越南野！想快手食完就走人！呢間餐廳上菜真係好快，員工做嘢好爽手！晚餐食碗湯麵🍜或者碟頭飯，確係唔錯！最緊要呢度係價錢平，又食得飽，夠大碟！同埋真係好快手！雖然佢嘅款式真係唔多，但係佢真係勝在食得夠飽同埋快！我叫咗一個烤豬肉湯河，其實個豬肉都幾多！食極都仲有！所以其實真係好抵食，佢仲有個小食係米子蝦卷，可以一條條咁叫！唔使怕佢一碟食唔晒！